އިދިކޮޅު ކޯލިޝަނުން ސަރުކާރުގެ މުއައްސަސާތަކާއި އެކު ބާއްވަމުން އަންނަ ސިލްސިލާ ބައްދަލުވުމުގެ ތެރެއިން މިއަދު ބޭންކް އޮފް މޯލްޑިވްސް ގެ އިސްވެރިންނާއި ބައްދަލުކޮށްފިއެވެ.
މި ބައްދަލުވުމަށްފަހު ޕީއެންސީގެ ރައީސް އަބްދުރަހީމް ވިދާޅުވީ ބީއެމްއެމްއެލްއާއެކު މިއަދު ބޭއްވުނު ބައްދަލުވުމުގެ މަޤްސަދަކީ ރައްޔިތުންގެ ހުރި ކަންބޮޑުވުން އެ ކުންފުންޏާ ހިއްސާކުރުންކަމަށެވެ.
"ސީއީއޯ ވިދާޅުވީ މިހާރުވެސް ބޭންކުން ދަނީ އެފަދަ ފަރާތްތަކަށް ޑޮލަރު ހޯދައިދެމުންނޭ، މިސާލަކަށް ބޭރުގައި ކިޔަވަން ތިބޭ ކުދިންގެ ޓިއުޝަން ފީ ދެއްކުމާއި ބޭސްފަރުވާއަށްދާ މީހުންނަށް މިހާރުވެސް ބޭންކުން ޑޮލަރު ހޯދައިދެމޭ އޭގެއިތުރަށްވެސް ޑޮލަރުގެ މައްސަލައަށް ހައްލު ހޯދުމަށް މަސައްކަތް ކުރަމުން އަންނަކަމަށް ސީއީއޯ ވިދާޅުވީ"
ސީއީއޯ ވިދާޅުވިކަމަށް އަދުރޭ ވިދާޅުވިއެވެ.
ރާއްޖޭގެ މާލީ ހާލަތާ ގުޅޭ ގޮތުން ކަންބޮޑުވުން ފާޅުކޮށް އިދިކޮޅު ކޯލިޝަނުގެ ފަރާތުން މިދިޔަ ބުރާސްފަތި ދުވަހު ވަނީ އެމްއެމްއޭގެ ގަވަރުނަރު އަލީ ހާޝިމާ ބައްދަލު ކޮށްފަ އެވެ.
އެ ބައްދަލުވުމަށް ފަހު، އެ ކޯލިޝަނުން ވަނީ ދައުލަތުން ނަގާ ލޯނުތަކާ ބެހޭ މައުލޫމާތު އެމްއެމްއޭއާ ހިއްސާކޮށްފައި ނުވާކަމަށް ވިދާޅުވެ، އެ ކޯލިޝަނުން ކަންބޮޑުވުން ފާޅު ކޮށްފަ އެވެ.
Advertisement
This content is created and paid for by advertisers and does not involve Voice Journalists
