2022 ވަނަ އަހަރުގެ ވޯލްޑް ކަޕްފައިނަލުގައި އާޖެންޓީނާ އަތުން ފްރާންސް ބަލިވިތާ އެއް ދުވަސް ފަހުން ފްރާންސްގެ ސްޓާރ ޕްލެޔަރ ކަރީމް ބެންޒިމާ ބައިނަލްއަގުވާމީ ފުޓްބޯޅައިން ރިޓަޔާކުރިކަން އިއުލާނުކޮށްފި އެވެ.
ބެންޒެމާއަށް ގަތަރުގައި އޮތް ވޯލްޑް ކަޕް ނުކުޅެވުނީ މުބާރާތުގެ ކުރިން ކަކުލަށް ލިބުނު އަނިޔާއަކާ ގުޅިގެންނެވެ.
ބެންޒެމާ ދާދި ދެންމެ އަކު ކުރި ޓުވީޓެއްގައި ބުނީ މިއަދު އޭނާ މިއަދު ހުރި ހިސާބަށް ދިއުމަށް ޓަކައި ކުރި މަސައްކަތަކުގެ ތެރެއިން މިސްޓޭކްތައްވެސް ހެނދުނު ކަމަށާއި ގިނަ މަސައްކަތްތަކެއް ވެސް ކުރެވުނު ކަމަށާއި އެހުރިހާ ކަމަކަށްވެސް އޭނާ ފަޚުރުވެރިވާ ކަމަށެވެ. އަދި މިއީ އޭނާގެ ވާހަކައިގެ ނިމުން ކަން އޭނާ ވަނީ ޓުވީޓުގައި ބުނެފައެވެ.
މިއާއި އެކު އޭނާ ފްރާންސްގެ ގައުމީ ޓީމުން ރަސްމީކޮށް ރިޓައާކުރިކަން ބޭރުގެ މީޑިއާތަކުން ވެސް އަންނަނީ މިހާރު ރިޕޯޓްކުރަމުންނެވެ.
ރިޓައާ ކުރާކަން ބެންޒެމާ އިއުލާނުކުރި އިރު އޭނާ ވަނީ ފްރާންސްގެ ގައުމީ ޓީމަށް 97 މެޗު ކުޅެދީފައެވެ.، ފްރާންސްގެ ޤައުމީ ޓީމަށް ފަސްވަނައަށް އެންމެ ގިނަ ލަނޑު ޖެހި ކުޅުންތެރިއަކީވެސް މިހާރުގެ ރެއާލް މެޑްރިޑް ކެޕްޓަން އެވެ. އޭނާ ވަނީ ފުރާންސް ޤައުމީ ޓީމަށް 37 ލަނޑު ކާމިޔާބުކޮށްދިީފައެވެ.
މީގެ އިތުރުން ބެންޒެމާ ވަނީ މިދިޔަ އަހަރުގެ ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާގެ އެވޯޑް ކަމަށްވާ ބެލޮން ޑޯ ވެސް ހޯދާފައެވެ.
Advertisement
This content is created and paid for by advertisers and does not involve Voice Journalists
