މެންޗެސްޓާ ޔުނައިޓެޑުން އެޓީމުގެ މުހިންމު ހަތަރު ކުޅުންތެރިއެއް ކަމަށްވާ ޕޯޗުގަލް ޑިފެންޑަރ ޑަލޮޓް، އިގިރޭސި ޑިފެންޑަރ ލޫކް ޝޯ، އިގިރޭސި ފޯވާޑް މާކަސް ރަޝްފޯޑް އަދި ބުރެޒިލްގެ މިޑްފީލްޑަރ ފްރެޑްގެ ކޮންޓްރެކްޓް އިތުރު އަހަރަކަށް އިތުރުކޮށްފިއެވެ.

އިގިރޭސި ޤައުމީ ޓީމު ފޯވާޑް މާކަސް ރަޝްފޯޑް މެންޗެސްޓަރ ޔުނައިޓެޑްގެ ފުރަތަމަ ޓީމަށް އެންމެ ފުރަތަމަ މެޗެއް ކުޅުނީ 2016 ވަނަ އަހަރު އެވެ. އޭގެ ފަހުން އޭނާ ވަނީ އެޓީމަށް 322 މެޗު ކުޅެ، 101 ލަނޑު ކާމިޔާބުކޮށް، ޔުނައިޓެޑަށް 60 އެސިސްޓް ކޮށްދީފަ އެވެ. މި ސީޒަނުގައި މެންޗެސްޓަރ ޔުނަޓެޑްގެ ޓޮޕް ސްކޯރާ ވަނީ ކުޅުނު 20 މެޗުގައި 09 ގޯލް އެޓީމަށް ކާމިޔާބުކޮށްދީފައެވެ.

ރަޝްފޯޑް

ޑިއޯގޯ ޑަލޮޓް ޕޯޓޯއިން މެންޗެސްޓަރ ޔުނައިޓެޑަށް ބަދަލުވީ 2018 ވަނަ އަހަރު 22 މިލިއަން ޔޫރޯ އަށެވެ. ލޯނު އެއްބަސްވުމެއްގެ ދަށުން އޭސީ މިލާނަށް ކުޅުމަށް ފަހު މިސީޒަންގައި ޔުނައިޓެޑްގެ ޓީމުގައި ހިމެނި އޭނާ އަންނަނީ ރަގަލު ކުޅުމެއް ދަށްކަމުންނެވެ. އޭނާ ވަނީ މެންޗެސްޓަރ ޔުނައިޓެޑަށް ކުޅެދިން 85 މެޗުގައި އެޓީމަށް ދެ ގޯލް ކާމިޔާބުކޮށްދީފައެވެ.

ޑަލޮޓް

މެންޗެސްޓާ ޔުނައިޓެޑުން 2018 ވަނަ އަހަރު ޔުކުރެއިންގެ ޝަޚްތަރު ޑޮނެސްކް އިން ފްރެޑް ސޮއި ހޯދީ 59 މިލިއަން ޔޫރޯ އަށެވެ. އުމުރުން 28 އަހަރުގެ ބްރެޒިލް މިޑްފީލްޑަރު ވަނީ ޔުނައިޓެޑަށް ކުޅެދިން 173 މެޗުގައި ނުވަ ގޯލް ކާމިޔާބުކޮށްދީފައެވެ.

ފްރެޑް

ލޫކް ޝޯ ސައުތުހެމްޓަން އިން މެންޗެސްޓަރ ޔުނައިޓެޑް އާއި ގުޅުނީ 2014 ވަނަ އަހަރު އެވެ. އޭނާގެ ހިދުމަތަށް ޔުނައިޓެޑުން ވަނީ 37.5 މިލިއަން ޔޫރޯ ދީފަ އެވެ. އޭގެ ފަހުން އޭނާ ވަނީ ޔުނައިޓެޑްގެ ޖާޒީގައި 228 މެޗު ކުޅެ، އެޓީމަށް ތިން ގޯލު ޖަހައިދީފައެވެ.

ލޫކް ޝޯ