ދަރުމަވަންތަ ހޮސްޕިޓަލު ހަދާފައި ވަނީ ޓަވަރު އަޅަންޖެހޭވަރަށް އެޅުމަށްފަހު ކަމަށް ޕީއެންސީގެ ނައިބު ރައީސް އަދި ހުޅުމާލެ ދާއިރާގެ ކައުންސިލް މެމްބަރު އިބްރާހިމް ޝުޖާއު ވިދާޅުވެއްޖެއެވެ.

ޝުޖާއު މިހެން ވިދާޅުވީ، އިދިކޮޅު ކޯލިޝަނުން ކާނިވާ ސަރަހައްދުގައި މިވަހުތު ކުރިއަށް ގެންދާ “ފެލާލައިފި” ޖަލްސާގައި ވާހަކަދައްކަވަމުންނެވެ.

2023 ގެ ރިޔާސީ އިންތިހާބަށް ތައްޔާރު ވުމުގެ ގޮތުން އެމްޑީޕީގެ އެތެރޭގައި ބާއްވާ ރިޔާސީ ޕްރައިމެރީގެ ރައީސް އިބްރާހިމް މުހައްމަދު ޞާލިޙުގެ ޓީމުގެ ޖަގަހަ ޖަލްސާގައި ޝާހިދު ވަނީ ރައީސް ޔާމީނަށް ފާޑުވިދާޅުވެ، އެމަނިކުފާނު ދިވެހި ދައުލަތުގެ ފައިސާއަށް ހިޔާނާތްތެރި ވީކަމުގެ ތުހުމަތު ކުރައްވާފައެވެ. 

Advertisement

ޝާހިދު ވަނީ، ދަރުމަވަންތަ ހޮސްޕިޓަލުގެ އެއް ޓަވަރު ވެސް ރައީސް ޔާމީންގެ ޖީބަށް ލެއްވީކަމަށާއި އެ ފައިސާއަސް ވެސް ހިޔާނާތްވިކަމަށް ވިދާޅުވެފަ އެވެ.

އެ ވާހަކަތަކަށް ރައްދުދެއްވައި ޝުޖާއު މިރޭ ވިދާޅުވީ، ދަރުމަވަންތަ ހޮސްޕިޓަރު އިމާރާތް ކޮށްފައި ވަނީ، އަޅަން ޖެހޭ ވަރަށް ޓަވަރު އަޅާފައި ކަމަށެވެ.

މީގެ އިތުރުން، ސަރުކާރުގައި ހުރެ އެންމެ ބޮޑަށް އަމިއްލަ މަންފާއަށް މަސައްކަތް ކުރައްވާ ބޭފުޅަކީ ޝާހިދުކަމަށް ތުހުމަތު ކުރައްވާ ޝުޖާއު ވިދާޅުވީ ޔޫއެންގެ ޖެނެރަލް އެސަމްބްލީގެ ރައީސަކަށް ހުންނެވި ދުވަސްވަރު ރައްޔިތުންގެ ޓެކްސް ފައިސާއިން ޝާހިދު މުސާރަ ނެންގެވި ކަމަށެވެ.