LIVE UPDATE: Raees Yameen ah hukum kurun

ލައިވް އަޕްޑޭޓް: ރައީސް ޔާމީންއަށް ހުކުމް ކުރުން

25 Dec 2022 | 10:26

ރައީސް ޔާމީންގެ ގެކޮޅު ކައިރިއަށް މީހުން އެއްވެފައި: ފޮޓޯ/ ވޮއިސް

25 Dec - 14:41

މިއަދު ހަތަރެއްޖަހާއިރު ރައީސް ޔާމީންގެ ވަކީލުންގެ ޓީމުން ނޫސްވެރިންގެ ބައްދަލުވުމެއް ބޭއްވުމަށް ނިންމައިފި.

25 Dec - 13:55

ހުކުމާއި ގުޅިގެން އިދިކޮޅުން މާލޭގެ މަގުތަކަށް ނިކުމެވަނީ ސަރުކާރާ، އިންޑިއާއާއި ދެކޮޅަށް އަޑުއުފުލާފައި. އިހުތިޖާޖުގެ ބައިވެރިންވަނީ ޕީޕީއެމް އޮފީހަށް އިހުތިޖާޖު ނިންމާލާފައި

25 Dec - 12:15

ވ. އާރަށުގެ މައްސަލާގައި ކުރީގެ ރައީސް އަދި އިދިކޮޅު ލީޑަރު އަބްދުالله ޔާމީންގެ މައްޗަށް ކުރި ދައުވާގައި އެ މަނިކުފާނުގެ މައްޗަށް ކުށް ސާބިތުވާ ކަމަށް ކްރިމިނަލް ކޯޓުން މިއަދު ވަނީ ހުކުމް ޖަހާފަ އެވެ.

25 Dec - 11:30

25 Dec - 11:23

ރައީސް ޔާމީން ކްރިމިނަލް ކޯޓަށް ވަޑައިގެންފި

25 Dec - 10:54

އަލީ ޒާހިރުގެ ރަސްމީ ދަތުރުފުޅެއް މިއަދު އޮއްވައި އެ ދަތުރުވެސް ކެންސަލް ކޮށްލީ: ޝިޔާމް

25 Dec - 10:50

ކޯޓު ސަރަހައްދުގައި ގިނަ އަދަދެއްގެ ފުލުހުންވަނީ ތައްޔާރީ ހާލަތައް ގެނެވިފައި

ފޮޓޯ: ޕީޕީއެމް

25 Dec - 10:47

ފަނޑިޔާރުން ވަނީ ރަހީނުކޮށްފައިކަމަށް ނައިފަރު ދާއިރާގެ މަޖިލިސް މެންބަރު ތުހުމަތުކުރައްވައިފިއެވެ. މީޑީއާއަށް ދެއްވި އިންޓިވިއެއްގައި ޝިޔާމް ވިދާޅުވިގޮތުގައި ފަނޑިޔާރުނިންމާނެގޮތް ނޭނގޭތީ ސަރުކާރުން އަންނަނީ މިހާރު ފަނޑިޔާރަށް ނުފޫޒު ފޯރުވައި، ބިރުދައްކަމުންކަމަށާއި، ފަނޑިޔާރު ވަނީ ރަހީނުކޮށްފައިކަމަށެވެ.

25 Dec - 10:39

ޕީޕީއެމްގެ ލީޑަރޝިޕް ކޯޓު ސަރަހައްދުގައި

25 Dec - 10:36

މިއަދު 9 ޖަހާއިރަށް ތާވަލް ކުރެވުނު ރައީސް ޔާމީންގެ ޝަރީއަތް އަދިވެސް ފަށާފައިނުވެއެވެ. ކޯޓުން މި ޝަރީއަތް ލަސްވާ މައްސަލާގައި މިހާތަނަށް އެއްވެސް އެއްޗެއް ބުނެފައިނުވެއެވެ.

25 Dec - 10:35

ޔާމީންގެ ސަޕޯޓަރުން ކްރިމިނަލް ކޯޓު ސަރަހައްދުގައި އިހުތިޖާޖް ކުރަނީ

-- ފޮޓޯ: ޕީޕީއެމް

25 Dec - 02:10

އެމްއެމްޕީއާރުސީ މެދުވެރިކޮށް ވ އާރަށް ކުއްޔަށް ދޫކުރުމުގެ މުއާމަލާތާއި ގުޅުވާ ކުރީގެ ރައީސް ޔާމީން އަބްދުލްގައްޔޫމުގެ މައްޗަށް ދައުލަތުން އުފުލާފައިވާ ދެ ދައުވާގެ ހުކުމް ކުރުން މިއަދު ހަމަ ޖެހިފައިވާއިރު ގިނަ ބަޔަކު އެމަނިކުފާނުގެ ގެކޮޅު ކައިރީ އަށާއި ކްރިމިނަލް ކޯޓު ކައިރިއަށް އެއްވެއްޖެއެވެ.

އާރަށް ކުއްޔަށް ދޫކުރުމުން ރިޝްވަތުގެ ގޮތުގައި އެއް މިލިއަން ޑޮލަރު ގަބޫލު ކުރައްވައި އަދި އެ ފައިސާ ލޯންޑާ ކުރެއްވި ކަމަށް ބުނެ ޔާމީންގެ މައްޗަށް ދައުވާ ކުރާއިރު، އެމަނިކުފާނު ރިޝްވަތު ދެއްވި ކަމުގެ ކަމަށް ރައްޔިތުންގެ މަޖިލީހުގެ ފެލިދޫ ދާއިރާގެ ކުރީގެ މެމްބަރު ޔޫސުފް ނައީމްގެ މައްޗަށްވެސް ދައުވާކުރެ އެވެ.

މި މައްސަލައިގެ ހުކުމް ކުރުން މިއަދު 9:00 އަށް ތާވަލް ކޮށްފައިވާއިރު، އަދިވެސް ރައީސް ޔާމީން ޝަރީއަތަށް ހާޒިރެއް ނުވެއެވެ.

ނަމަވެސް އެމަނިކުފާނުގެ ދަރިކަލުންނާއި، އިދިކޮޮޅު ކޯލިޝަންގެ އިސް ލީޑަރުންގެ ގެ އިތުރުން ފުލުހުންގެ އިތުރުން އެމަނިކުފާނަށް ތާއީދުކުރާ ގިނަ ބަޔަކު، ކްރިމިނަލް ކޯޓު ސަރަހައްދުގައި އަންނަނީ ހަރަކާތްތެރިވަމުންނެވެ.

ޕްރޮގްރެސިވް ޕާޓީ އޮފް މޯލްޑިވްސް

ރައީސް އަބްދުﷲ ޔާމީން އަބްދުލް ޤައްޔޫމް

އެމްއެމްޕީއާރސީ ހިޔާނާތް

ކްރިމިނަލް ކޯޓް