އަންނަ ޖަނަވަރީ މަހު ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ވާދަ ކުރެއްވާ އެ ޕާޓީގެ ރައީސް މުހައްމަދު ނަޝީދު، ކެމްޕެއިނަށް ބޮޑުތިލަދުންމައްޗަށް ވަޑައިގަތުމަށް ނިންމަވައިފި އެވެ.

ރަައީސް ނަޝީދުގެ ކެމްޕެއިންގައި އިސްކޮށް އުޅުއްވާ ހެންވޭރު ހުޅަނގު ދާއިރާގެ މެންބަރު ހަސަން ލަތީފް ވިދާޅުވީ ކެމްޕެއިނަށް ރައީސް ނަޝީދު ވަރަށް އަވަހަށް އަތޮޅުތަކުގެ ތެރެއަށް ދަތުރު ކުރައްވަން ފައްޓަވާނެ ކަމަށެވެ. އެ ގޮތުން ފުރަތަމަ ވަޑައިގަންނަވާނީ އުތުރުގެ ހއ. އަތޮޅާއި ހދ. އަދި ށ. އަތޮޅުގެ ރަށްތަކަށް ކަމަށްވެސް އޭނާ ވިދާޅުވި އެވެ.

މީގެ އިތުރުން ހަސަން ވިދާޅުވީ، ރައީސް ނަޝީދުގެ އުތުރު ދަތުރުފުޅު ފައްޓަވާނީ މި މަހުގެ 29 ވަނަ ދުވަހު ކަމަށާ، އަދި އެ ދަތުރު ނިންމަވާލެއްވުމަށްފަހު އެނބުރި މާލެ ވަޑައިގަންނަވާނީ 31 ވަނަ ދުވަހު ކަމަށެވެ.

މި ދަތުރުފުޮުފޭ އިތުރުން، ނަޝީދުގެ ހާއްސަ ކެމްޕޭން ޖަލްސާއެއްވެސް މާދަމާ ރޭ މާލޭގެ ސަލްޓަންޕާކްގައި ބާއްވަން ވަނީ ނިންމާފަ އެވެ.

ޖަނަވަރީ 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ރައީސް ނަޝީދާއި ދެކޮޅަށް ވާދަކުރައްވާނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ. 

މި ޕްރައިމަރީއާއި ގުޅޭ އިންތިޚާބީ ކޮމިޓީ ރޭ ބޭއްވުނު ގައުމީ މަޖިލީހުގެ ޖަލްސާގައި އެކުލަވާލާފައިވާއިރު, އެ ކޮމިޓީ މެންބަރުން ހޮވުމުގެ ކުރިން ރައީސް ނަޝީދުގެ ފެކްޝަންގެ މެންބަރުން ވަނީ ޖަލްސާ ބޮއިކޮޓް ކޮށް ނުކުމެވަޑައިގެންފައެވެ. 

އެހެން ކަމުން، ކޮމިޓީ މެންބަރުން، ރައީސް ނަޝީދުގެ ފެކްޝަންގެ މެންބަރުންގެ ވޯޓާއި ނުލައި ހޮވާފައިވާއިރު، އެ ކޮމިޓީގައި ތިއްބެވީ ރައީސް ޞާލިހު ގެ ފެކްޝަން މެންބަރުންނެވެ.

1. އިބްރާޙީމް ވަޙީދު (ޗެއަރޕާސަންގެ ނައިބު އިދާރީ)

2. އަލްއުސްތާޛު އަނަސް ޢަބްދުއްސައްތާރު (ސްޕޯކްސްޕާސަން)

3. އަކްރަމް ކަމާލުއްދީން (މަތިއުތުރު ޕްރޮވިންސްގެ ރައީސް)

4. މުޙައްމަދު އީމާން (ކެނދިކުޅުދޫ ދާއިރާގެ ރައީސް)

5. އަލްއުސްތާޛު އަޙްމަދު އަފީފު ( ޤާނޫނީ ކޮމެޓީގެ ކުރީގެ މުޤައްރިރު)