ވ.އާރަށް ކުއްޔަށް ދިނުމުގެ މުއާމަލާތާ ގުޅިގެން ދައުލަތުން އިދިކޮޅު އިއްތިހާދުގެ ރިޔާސީ ކެންޑިޑޭޓް ރައީސް ޔާމީނުގެ މައްޗަށް ކުރި 2 ދައުވާ ސާބިތުވާކަމަށް ކަނޑައަޅައި އެމަނިކުފާނު 11 އަހަރަށް ޖަލަށްލުމަށް ކުރި ހުކުމަކީ ހަރާމް ހުކުމެއް ކަމަށް ބުނެ އެމަނިކުފާނު މިނިވަންކުރަން ގޮވައިލާ ރޭ މާލޭގައި ކުރިއަށް ގެންދިޔަ މުޒާހަރާގައި ހައްޔަރުކުރި މީހުންގެ ތެރެއިން ދެ މީހަކު ފިޔަވާ އެހެން އެންމެން ދޫކޮށްލައިިފިއެވެ.
ޔާމީން މިނިވަން ކުރުމަށް ގޮވާލާ އިދިކޮޅުން ފަށާފައިވާ ސިލްސިލާ މުޒާހަރާތަކުގެ ތެރެއިން، ރޭ މުޒާހަރާ ކޮށްފައި ވަނީ މާލޭގައެވެ.
މުޒާހަރާ ފަށާފައި ވަނީ މާފަންނު ގަޑިބުރު ކައިރިންނެވެ.
ރޭގެ މުޒާހަރާގައި ޕީއެންސީގެ ރައީސް އަބްދުއްރަހީމް އާއި މާލެ ސިޓީ މޭޔަރު ޑރ. މުހައްމަދު މުއިއްޒުގެ އިތުރުން ޕީޕީއެމްގެ ނައިބު ރައީސް އަހުމަދު ޝިޔާމުއާއި ފަރެސްމާތޮޑާ ދާއިރާގެ މެންބަރު ހުސައިން މުހައްމަދު ލަތީފް (ސެމްބެ) ވެސް ބައިވެރިވެފައިވެއެވެ.
މުޒާހަރާގައި މާވަށު ދާއިރާގެ މަޖިލިސް މެެމްބަރު މުހައްމަދު ސައީދު ހިމެނިވަޑައިގަންނަވާހެން، 11 މީހަކު ހައްޔަރު ކުރިއިރު، ރޭގެ ވަގުތެއްގައި ވަނީ ގިނަ ބަޔަކު ދޫކޮށްލާފައެވެ.
Advertisement
This content is created and paid for by advertisers and does not involve Voice Journalists
