ޕްރެމިއާ ލީގުގައި މިރޭ އަމިއްލަ ދަނޑުގައި ލެސްޓާ ސިޓީ އާއި ލިވަޕޫލް ވަދަކުރި މެޗުގައި ލެސްޓާގެ ބެލްޖިއަމް ޑިފެންޑަރ ވޯޓް ފައިސް ބައިކޮޅަށް ޖެހި ދެ ލަނޑާއި އެކު 2-1 ން މޮލުވެ ލީގުގައި މުހިންމު ތިން ޕޮއިންޓް ލިވަޕޫލުން ހޯދައިފިއެވެ.

ލެސްޓާ ސިޓީ އާއި ލިވަޕޫލް ވަދަކުރި މެޗުގެ ތެރެއިން

ލިވަޕޫލްގެ އަންފިލްޑްގައި ކުޅެވުނު މި މެޗުގައި ފުރަތަމަ ލަނޑުޖަހައި ލީޑް ހޯދީ ލެސްޓާ ސިޓީއިން ނެވެ. ފުރަތަމަ ހާފުގެ ހަތަރު ވަނަ މިނެޓްގައި މި ލަނޑު އެޓީމަށް ކާމިޔާބުކޮށްދިނީ އިގިރޭސި މިޑްފީލްޑަރ ކިރްނާން ޑިއުސްބަރީ-ހޯލް އެވެ. މިއީ ޒެންބިއާގެ ފޯވާޑް ޕެޓްސަން ޑާކާ ތަނަވަސްކޮށްދިން ފުރުސަތެއްގައި އޭނާ ކާމިޔާބުކުރި ލަނޑެކެވެ.

މި މެޗުގައި ލިވަޕޫލުން އެއްވަރު ކުރި ލަނޑަކީ ފުރަތަމަ ހާފުގެ 38 ވަނަ މިނެޓްގައި އެޓީމުގެ ފޯވާޑް މުހައްމަދު ސަލާހު ލެސްޓާ ސިޓީގެ ގޯލަށް ފޮނުވާލި ހަމަލާއެއް ދިފާއުކުރަން އުލުމުގެ ތެރޭގައި އެޓީމުގެ ބެލްޖިއަމް ޑިފެންޑަރ ވޯޓް ފައިސް އަތުން ބައިކޮޅަށްވަން ގޯލެކެވެ. އަދި އޭގެ ހަތް މިނެޓް ފަހުން ފުރަތަމަ ހާފުގެ 45 ވަނަ މިނެޓްގައި ލިވަޕޫލް މި މެޗުގައި ފުރަތަމަ ފަހަރަށް ލިޑު ނެގިއެވެ.

ލިވަޕޫލްގެ ދެ ވަނަ ލަނޑަކިީ އެޓީމުގެ އުރުގުއާއީ ފޯވާޑް ޑާވިން ނުނޭޒް ލެސްޓާ ސިޓީގެ ދެ ޑިފެންޑަރުން ކައިރިން ނައްޓާލުމައްފަހު ގޯލަށް ފޮނުވާލި ހަމަލާއެއް ދަނޑީގައި ޖެހިފައި ބޭރަށް ނުކުތް ވަގުތު ބޯޅަ ދިފާއުކުރަން އުޅުމުގެ ތެރޭގައި އަނެއްކާވެސް އެޓީމުގެ ޑިފެންޑަރ ވޯޓް ފައިސް އަތުން ބައިކޮޅަށްވަން ގޯލެކެވެ.

މެޗުގެ ދެވަނަ ހާފުގައި ދެޓީމުން ކުރެ ޓީމަކަށް އިތުރު ލަނޑެއް ކާމިޔާބު ނުކުރެވި މެޗު ނިމުނީ 2-1 ލިވަޕޫލް މޮލުވެގެންނެވެ. މި މޮޅާއި އެކު ލީގުގައި ކުޅުނު 16 މެޗުން 28 ޕޮއިންޓް ލިބިފައި ވާއިރު ލިގު ތާވަލުގައި އެޓިމު އޮތީ ހަ ވަނާގައެވެ. މިރޭގެ މެޗުން ބަލިވި ލެސްޓާ ސިޓީ ލިގުގައި 17 މެޗު ކުޅެފައިވާއިރު އެޓީމަށް ލިބިފައި ވަނީ 17 ޕޮއިންޓެވެ. ލީގުގައި އެޓީމު މިވަގުތު އޮތީ 13 ވަނާގައެވެ.