ކްރިސްޓިއާނޯ ރޮނާލްޑޯ މިހާތަނަށް އެންމެ ބޮޑު އާމްދަނީއެއް ލިބޭ ކުޅިވަރު ކުޅުންތެރިޔާގެ ގޮތުގައި ސައުދީ އަރަބިއްޔާގެ އަލް ނަސްރުއާއެކު ދެ އަހަރާއި ބައިގެ އެއްބަސްވުމެއްގައި ސޮއިކޮށްފި އެވެ.

މިވަގުތު ދުނިޔޭގައި ހުރި އެންމެ އަގުބޮޑު ކުޅުންތެރިއާ ކްރިސްޓިއާނޯ ރޮނާލްޑޯ

އަދި މިދިޔަ ނޮވެންބަރު މަހު މެންޗެސްޓާ ޔުނައިޓެޑްގެ ކޮންޓްރެކްޓް އުވާލި ފަހުން ފްރީ އެޖެންޓެއްގެ ގޮތުގައި ހުރި ޕޯޗުގަލްގެ ކްރިސްޓިއާނޯ ރޮނާލްޑޯއަށް ސައުދީ އަރަބިއާގައި އަހަރަކު 173 މިލިއަން ޕައުންޑް ލިބޭނެ އެވެ. މި އެއްބަސްވުމުގެ އަސްލު މުއްދަތަކީ ހަތް އަހަރު ދުވަހެވެ. އަދި މި އެއްބަސްވުމުގައި ވާގޮތުން ކުޅުން ހުއްޓާލުމަށް ފަހު ރޮނާލްޑޯ ސައުދީގައި ފުޓްބޯޅަ އެމްބެސެޑައެއްގެ ގޮތުގައި މަސައްކަތް ކުރާނެއެވެ. އޭގެ މާނައަކީ މި ކޮންޓްރެކްޓްގެ މުއްދަތުގައި ރޮނާލްޑޯއަށް 1.2 ބިލިއަން ޕައުންޑް ލިބިގެންދާނެއެވެ.

މި ޓްރާންސްފަރ އާއި ބެހޭގޮތުން ވާހަކަ ދައްކަމުން ކްރިސްޓިއާނޯ ރޮނާލްޑޯ ބުނީ " ތަފާތު ލީގަކާއި، އައު ޤައުމެއްގައި މިފަދަ ތަޖުރިބާއެއްކުރަން ލިބުމުން އެކަމާ ވަރަށް އުފާވާކަމަށެވެ." އަލް ނަސްރުގެ ޕްރޮޖެކްޓަކީ ވަރަށް ޝައުގުވެރި ޕްރޮޖެކްޓެއް ކަމަށާއި ޓީމުގެ ކުޅުންތެރިންނާއި ގުޅި މިޓީމަށް އިތުރު ކާމިޔާބީތަކެއް ހޯދައިދޭން ބޭނުންވަކަމަށެވެ.

ސައުދީގެ ކުލަބް އަލް ނަސްރުން ރޮނާލްޑޯއަށް މަރިހަބާ ކިޔަމުން ބުނެފައިވަނީ މިއީ އެކުލަބުގެ އިތުރުން ސައުދީ ލީގަށާއި އެ ޤައުމުގެ ފުޓްބޯޅައަށް ޖުމްލަކޮށް ކުރިއަށް އޮތް ޖީލަށް މީގެ ސަބަބުން ގިނަގުނަ ފައިދާތަކެއް ކުރާނެ އެއްބަސްވުމެއް ކަމަށެވެ.

މި އެއްބަސްވުމުގައި ވާގޮތުން ރޮނާލްޑޯއަށް އަހަރަކު 173 މިލިއަން ޕައުންޑް، މަހަކު 14.4 މިލިއަން ޕައުންޑް، ހަފްތާއަކު 3.33 މިލިއަން ޕައުންޑް، ދުވާލަކު 476000 ހަތަރު ލައްކަ ހައްދިހަ ހަ ހާސް ޕައުންޑް، ގަޑިއިރަކަށް 19982 ނަވާރަ ހާސް ނުވަސަތޭކަ އަށްޑިހަ ދެ ޕައުންޑް އަދި ސިކުންތަކު 5.5 ޕައުންޑް ލިބެއެވެ.