ނައިފަރު އޯޕަން 2023 ބެޑްމިންޓަން މުބާރާތުގެ ކިޑްސް ޑްރޯގެ 10 އަހަރުން ދަށުގެ ސިންގަލް، އަންހެން ޗެންޕިއަންކަން ސާރާ އައިނީ މުޙައްމަދު އަދި ފިރިހެން ޗެންޕިއަންކަން މުޙައްމަދު ޝަރްއާން ޝަރުވަތު މިއަދު ހޯދައިފިއެވެ.

މިއަދު ހަވީރު ނައިފަރުގައި ކުރިއަށް ދިޔަ ފައިނަލްގައި 10 އަހަރުން ދަށުގެ ސިންގަލް، އަންހެން ޗެންޕިއަންކަން ސާރާ އައިނީ މުޙައްމަދު ހޯދީ ފައިނަލުގައި ލައިބާ އަޙްމަދު މަހްލޫފް އާއި ވާދަކުރި މެޗު ވާދަވެރި ކުޅުމަކަށް ފަހު 15/8 , 15/11 ން މެޗު ކާމިޔާބުކޮށްގެން ނެވެ.

10 އަހަރުން ދަށުގެ ސިންގަލް، އަންހެން ޗެންޕިއަންކަން ސާރާ އައިނީ މުޙައްމަދު / ފޮޓޯ: އައި-ޝަޓަރ

މި އުމުރު ފުރައިގެ ފިރިހެން ޗެންޕިއަންކަން މުޙައްމަދު ޝަރްއާން ޝަރުވަތު ހޯދީ ފައިނަލްގައި މިރުސާލް ޙުސެއިން މިރުޒާ އާއި ވާދަކުރި މެޗު ވާދަވެރި ކުޅުމަކަށް ފަހު 15/12 , 15/9 ން މެޗު ކާމިޔާބުކޮށްގެން ނެވެ.

ސާރާ އައިނީ މުޙައްމަދު(ވ) އާއި ލައިބާ އަޙްމަދު މަހްލޫފް(ކ) / ފޮޓޯ: އައި-ޝަޓަރ

120 ބައިވެރިންނާއި އެކު 2022 ޑިސެންބަރު 31 ވަނަ ދުވަހުން ފެށިގެން 2023 ޖެނުއަރީ 11 ގެ ނިއަލަށް ކުރިއަށްދާ މި މުބާރާތަކީ، ޅ.ނައިފަރުގެ އަމިއްލަ ޖަމިއްޔާ އެއް ކަމަށްވާ ބެޑްމިންޓަން އެކަޑަމީ އޮފް ނައިފަރުގެ ފަރާތުން އިންތިޒާމްކޮށްގެން މި އަހަރު އަލަށް ބާއްވަން ފެށި މުބާރާތެކެވެ.

10 އަހަރުން ދަށުގެ ސިންގަލްސް، ފިރިހެން ޗެންޕިއަން މުޙައްމަދު ޝަރްއާން ޝަރުވަތު / ފޮޓޯ: އައި-ޝަޓަރ

މި މުބާރާތުގެ މީޑިއާ ޕާޓްނަރަކަށް ވޮއިސް އެމްވީ ހަމަޖައްސާފައިވާއިރު، މުބާރާތުގެ މެއިން ސްޕޮންސަރ އަކީ މިނިސްޓްރީ އޮފް ޔޫތު ސްޕޯރޓްސް އެންޑް ކޮމިއުނިޓީ އެމްޕަވަރމަންޓް އެވެ. އަދި ކޯ ސްޕޮންސަރުންނަކީ ފާދިއްޕޮޅު ނައިފަރު ކައުންސިލްގެ އިދާރާ, ކޯރާ ކޯރާ މޯލްޑިވްސް އެވެ. މީގެ އިތުރުން މުބާރާތުގެ އިވެންޓް ޕާރޓްނާރސް ގޮތުގައި ފުޝިފަރު މޯލްޑިވްސް, ކޮކޫން މޯލްޑިވްސް, ބޭންކް އޮފް މޯލްޑިވްސް ހަމަޖައްސާފައިވާއިރު ސަޕޯރޓިންގ ޕާރޓްނާރސް އަކީ ކެފޭ ކެރިސްޕީ, ލޫލޭ, ވާވާ ގްރޫޕް, އަސްކަނި ސްޕޯރޓްސް, ޒުހަލް އެކްސްޕްރެސް, ބަޑީޒް ނެޓް އެވެ.