ނައިފަރު އޯޕަން 2023 ބެޑްމިންޓަން މުބާރާތުގެ ކިޑްސް ޑްރޯގެ 17 އަހަރުން ދަށުގެ ސިންގަލް، އަންހެން ޗެންޕިއަންކަން ރަހީމަތު ތީޝާ އަބޫބަކުރު އަދި ފިރިހެން ޗެންޕިއަންކަން އަޙްމަދު ޔުސްރު މުޙައްމަދު މިއަދު ހޯދައިފިއެވެ.

މިއަދު ހަވީރު ނައިފަރުގައި ކުރިއަށް ދިޔަ ފައިނަލްގައި 17 އަހަރުން ދަށުގެ ސިންގަލް، އަންހެން ޗެންޕިއަންކަން ރަހީމަތު ތީޝާ އަބޫބަކުރު ހޯދީ ފައިނަލުގައި އާމިނަތު ސަމާ ޢަބްދުލްލަތީފް އާއި ވާދަކުރި މެޗު ވާދަވެރި ކުޅުމަކަށް ފަހު 15/8 , 15/11 ން މެޗު ކާމިޔާބުކޮށްގެން ނެވެ.

17 އަހަރުން ދަށުގެ ސިންގަލް، އަންހެން ޗެންޕިއަން ރަހީމަތު ތީޝާ އަބޫބަކުރު / ފޮޓޯ: އައި-ޝަޓަރ

މި އުމުރު ފުރައިގެ ފިރިހެން ޗެންޕިއަންކަން އަޙްމަދު ޔުސްރު މުޙައްމަދު ހޯދީ ފައިނަލްގައި މުޙައްމަދު ވާއީ ޢަބްދުލްވާޙިދު އާއި ވާދަކުރި މެޗު ވާދަވެރި ކުޅުމަކަށް ފަހު 13/15 , 12/15 ން މެޗު ކާމިޔާބުކޮށްގެން ނެވެ.

17 އަހަރުން ދަށުގެ ސިންގަލް، ފިރިހެން ޗެންޕިއަން އަޙްމަދު ޔުސްރު މުޙައްމަދު / ފޮޓޯ: އައި-ޝަޓަރ

120 ބައިވެރިންނާއި އެކު 2022 ޑިސެންބަރު 31 ވަނަ ދުވަހުން ފެށިގެން 2023 ޖެނުއަރީ 11 ގެ ނިއަލަށް ކުރިއަށްދާ މި މުބާރާތަކީ، ޅ.ނައިފަރުގެ އަމިއްލަ ޖަމިއްޔާ އެއް ކަމަށްވާ ބެޑްމިންޓަން އެކަޑަމީ އޮފް ނައިފަރުގެ ފަރާތުން އިންތިޒާމްކޮށްގެން މި އަހަރު އަލަށް ބާއްވަން ފެށި މުބާރާތެކެވެ.

އަޙްމަދު ޔުސްރު މުޙައްމަދު(ކ)، މުޙައްމަދު ވާއީ ޢަބްދުލްވާޙިދު(ވ) / ފޮޓޯ: އައި-ޝަޓަރ

މި މުބާރާތުގެ މީޑިއާ ޕާޓްނަރަކަށް ވޮއިސް އެމްވީ ހަމަޖައްސާފައިވާއިރު، މުބާރާތުގެ މެއިން ސްޕޮންސަރ އަކީ މިނިސްޓްރީ އޮފް ޔޫތު ސްޕޯރޓްސް އެންޑް ކޮމިއުނިޓީ އެމްޕަވަރމަންޓް އެވެ. އަދި ކޯ ސްޕޮންސަރުންނަކީ ފާދިއްޕޮޅު ނައިފަރު ކައުންސިލްގެ އިދާރާ, ކޯރާ ކޯރާ މޯލްޑިވްސް އެވެ. މީގެ އިތުރުން މުބާރާތުގެ އިވެންޓް ޕާރޓްނާރސް ގޮތުގައި ފުޝިފަރު މޯލްޑިވްސް, ކޮކޫން މޯލްޑިވްސް, ބޭންކް އޮފް މޯލްޑިވްސް ހަމަޖައްސާފައިވާއިރު ސަޕޯރޓިންގ ޕާރޓްނާރސް އަކީ ކެފޭ ކެރިސްޕީ, ލޫލޭ, ވާވާ ގްރޫޕް, އަސްކަނި ސްޕޯރޓްސް, ޒުހަލް އެކްސްޕްރެސް, ބަޑީޒް ނެޓް އެވެ.