ނައިފަރު އޯޕަން 2023 ބެޑްމިންޓަން މުބާރާތުގެ ކިޑްސް ޑްރޯގެ 15 އަހަރުން ދަށުގެ ޑަބަލްސް، އަންހެން ޗެންޕިއަންކަން އާމިނަތު ނަވްރާ ޝަރްވަތު / މަރިޔަމް ސިމީ ޢަބްދުލްލަތީފް އަދި ފިރިހެން ޗެންޕިއަންކަން ރާއީ ޖަލާލް / މުޙައްމަދު ޝިފާއު ޙުސެއިން މިއަދު ހޯދައިފިއެވެ.

މިއަދު ހަވީރު ނައިފަރުގައި ކުރިއަށް ދިޔަ ފައިނަލްގައި 15 އަހަރުން ދަށުގެ ޑަބަލްސް، އަންހެން ޗެންޕިއަންކަން އާމިނަތު ނަވްރާ ޝަރްވަތު / މަރިޔަމް ސިމީ ޢަބްދުލްލަތީފް ހޯދީ ފައިނަލުގައި ޝާނާ ޢަލީ ޢަބްދުއްރަޙްމާން / މަރިޔަމް ރައޫމް ތާހާ އާއި ވާދަކުރި މެޗު ވާދަވެރި ކުޅުމަކަށް ފަހު 9/15 , 12/15 ން މެޗު ކާމިޔާބުކޮށްގެން ނެވެ.

15 އަހަރުން ދަށުގެ ޑަބަލްސް އަންހެން ޗެންޕިއަންސް، އާމިނަތު ނަވްރާ ޝަރްވަތު / މަރިޔަމް ސިމީ ޢަބްދުލްލަތީފް / ފޮޓޯ: އައި-ޝަޓަރ

މި އުމުރު ފުރައިގެ ފިރިހެން ޑަބަލްސް ޗެންޕިއަންކަން ރާއީ ޖަލާލް / މުޙައްމަދު ޝިފާއު ޙުސެއިން ހޯދީ ފައިނަލްގައި ޔޫނުސް ކައިފް މުޙައްމަދު / އިބްރާހިމް ނާޝިތް ހަމްދީ އާއި ވާދަކުރި މެޗު ވާދަވެރި ކުޅުމަކަށް ފަހު 13/15 , 12/15 , 14/15 ން މެޗު ކާމިޔާބުކޮށްގެން ނެވެ.

15 އަހަރުން ދަށުގެ ޑަބަލްސް ފިރިހެން ޗެންޕިއަންސް، ރާއީ ޖަލާލް / މުޙައްމަދު ޝިފާއު ޙުސެއިން / ފޮޓޯ: އައި-ޝަޓަރ

120 ބައިވެރިންނާއި އެކު 2022 ޑިސެންބަރު 31 ވަނަ ދުވަހުން ފެށިގެން 2023 ޖެނުއަރީ 11 ގެ ނިއަލަށް ކުރިއަށްދާ މި މުބާރާތަކީ، ޅ.ނައިފަރުގެ އަމިއްލަ ޖަމިއްޔާ އެއް ކަމަށްވާ ބެޑްމިންޓަން އެކަޑަމީ އޮފް ނައިފަރުގެ ފަރާތުން އިންތިޒާމްކޮށްގެން މި އަހަރު އަލަށް ބާއްވަން ފެށި މުބާރާތެކެވެ.

ރާއީ ޖަލާލް / މުޙައްމަދު ޝިފާއު ޙުސެއިން(ވ)، ޔޫނުސް ކައިފް މުޙައްމަދު / އިބްރާހިމް ނާޝިތް ހަމްދީ(ކ) / ފޮޓޯ: އައި-ޝަޓަރ

މި މުބާރާތުގެ މީޑިއާ ޕާޓްނަރަކަށް ވޮއިސް އެމްވީ ހަމަޖައްސާފައިވާއިރު، މުބާރާތުގެ މެއިން ސްޕޮންސަރ އަކީ މިނިސްޓްރީ އޮފް ޔޫތު ސްޕޯރޓްސް އެންޑް ކޮމިއުނިޓީ އެމްޕަވަރމަންޓް އެވެ. އަދި ކޯ ސްޕޮންސަރުންނަކީ ފާދިއްޕޮޅު ނައިފަރު ކައުންސިލްގެ އިދާރާ, ކޯރާ ކޯރާ މޯލްޑިވްސް އެވެ. މީގެ އިތުރުން މުބާރާތުގެ އިވެންޓް ޕާރޓްނާރސް ގޮތުގައި ފުޝިފަރު މޯލްޑިވްސް, ކޮކޫން މޯލްޑިވްސް, ބޭންކް އޮފް މޯލްޑިވްސް ހަމަޖައްސާފައިވާއިރު ސަޕޯރޓިންގ ޕާރޓްނާރސް އަކީ ކެފޭ ކެރިސްޕީ, ލޫލޭ, ވާވާ ގްރޫޕް, އަސްކަނި ސްޕޯރޓްސް, ޒުހަލް އެކްސްޕްރެސް, ބަޑީޒް ނެޓް އެވެ.