މެންޗެސްޓާ ޔުނައިޓެޑާއި އިންގްލެންޑްގެ ލެޖެންޑް ޑޭވިޑް ބެކަމްގެ ދަރިފުޅު ރޯމިއޯ ބެކަމް އިންޓަ މިއާމީއިން ލޯނު އެއްބަސްވުމެއްގެ ދަށުން އިގިރޭސި ޕްރެމިއާާ ލީގު ކުލަބް ބްރެންޓްފޯޑަށް ސޮއިކޮށްފި އެވެ.
އުމުރުން 20 އަހަރުގެ މިޑްފީލްޑަރު މި ސީޒަނުގެ ބާކީ ބައިގައި ބްރެންޓްފޯޑް ބީ ޓީމާ ގުޅެނީ އިންޓަ މިއާމީ ރިޒާވް ޓީމުގައި ހިމެނުމަށް ފަހުއެވެ. އެމެރިކާގެ އޮފް ސީޒަންގައި ފިޓްނަސް ދަމަހައްޓަން ރޯމިއޯ ބެކަމް އަންނަނީ ބްރެންޓްފޯޑްގެ ބީ ޓީމާއެކު ފާއިތުވި މަސްތަކުގައި އެޓީމުގެ ފަރިތަކުރުންތަކުގައި ބައިވެރިވަމުންނެވެ.
ރޯމިއޯ ބެކަމް ލޯބިވެރިއާ މިއާ ރީގަން އާއި އެކު
އެ ކްލަބުގެ ވެބްސައިޓަށް ދިން އިންޓަވިއުއެއްގައި ރޯމިއޯ ބުނީ މި ފުރުސަތު ލިބުމުން އޭނާ ވަރަށް ފަޚުރުވެރިވާ ކަމަށާއި އަދި އެކަމާ ވަރަށް އުފާވާ ކަމަށެވެ. "އަހަރެން އެންމެ ފުރަތަމަ މިތަނަށް އައީ އޮފް ސީޒަންގައި ފިޓްކޮށް ހުރުމުގެ ބޭނުމުގައި. ދެން މިތަނަށް ލޯނު އުސޫލުން އައުމުގެ ފުރުޞަތު މި ލިބުނީ، އަހަރެން ދުވަހަކުވެސް މި ހާއުފަލެއް ނުވޭ". އިންޓަރ މިއާމީގައި ހޭދަކުރި ދުވަސްތަކަކީ އުފާވެރި ދުވަސްތަކެއް ކަމަށައި، އުންމީދުކުރަނީ ބްރެންޓްފޯޑްގެ ޓީމާއި އެކު ރަގަޅު ކާމިޔާބީތަކެއް ހޯދުމަށްކަމަށެވެ.
ބްރެންޓްފޯޑް އިން އިނގިރޭސި ޕްރިމިއާ ލީގުގައި އެންމެ ފަހުން ކުޅުނު މެޗުން ލިވަޕޫލް އަތުން 3-1 އިން މޮޅުވެފައިވާއިރު މިއަދު އެފްއޭ ކަޕްގެ ތިން ވަނަ ބުރުގައި އެޓީމު ނުކުންނާނީ ވެސްޓް ހޭމް ޔުނައިޓޭޑާއި ދެކޮޅަށެވެ.
Advertisement
This content is created and paid for by advertisers and does not involve Voice Journalists
