ޕޯޗުގަލްގެ ގައުމީ ޓީމުގެ ކޯޗުގެ މަޤާމާއި ރޮބާޓޯ މާޓިނޭޒް ހަވާލުވުމާއެކު، އޭނާގެ އިރުޝާދުގެ ދަށުން ޕޯޗުގަލް ޤައުމީ ޓީމުގައި ކްރިސްޓިއާނޯ ރޮނާލްޑޯ އަދާކުރާނީ ކޮން ދައުރެއްތޯ އޮޅުން ފިލުވަން ގިނަ ބަޔަކު ބޭނުންވިއެވެ.

ރޮބާޓޯ މާޓިނޭޒް ޕޯޗުގަލްގެ ކޯޗުކަމާއި ހަވާލުވުމަށް ފަހު ބޭއްވި ފުރަތަމަ ނޫސްވެރިންގެ ބައްދަލުވުމުގައި އަމާޒުވި ފުރަތަމަ ސުވާލަކީ ކުރިންވެސް އުންމީދު ކުރި ފަދައިން ކްރިސްޓިއާނޯ ރޮނާލްޑޯ އާއި ގުޅޭގޮތުން ކުރި ސުވާލެކެވެ. ނޫސްވެރިންގެ ބައްދަލުވުމުގައި ޕޯޗުގަލް ގައުމީ ޓީމުގައި ރޮނާލްޑޯގެ މުސްތަގުބަލާ ބެހޭގޮތުން މާޓިނޭޒް ބުނީ ފުޓްބޯޅައިގެ ނިންމުންތައް ނިންމަން ޖެހޭނީ ދަނޑުމަތީގައި ކަމަށެވެ. "އަހަންނަކީ އޮފީހެއްގައި ނިންމުންތައް ނިންމާ ކޯޗެއް ނޫން.

ރޮބާޓޯ މާޓިނޭޒް

"މިދިޔަ ވޯލްޑް ކަޕުގައި ޕޯޗުގަލް ސްކޮޑުގައި ހިމެނުނު 26 ކުޅުންތެރިންގެ ލިސްޓަކީ އަހަރެން ފުރަތަމަ ސްކޮޑް، ކްރިސްޓިއާނޯ އަކީ އެ ލިސްޓުގައި ހިމެނޭ ކުޅުންތެރިއެއް ކަމަށެވެ. ރޮނާލްޑޯ އާއި ބެހޭގޮތުން އިތުރަށް ވާހަކަ ދައްކަމުން މާޓީނޭޒް ބުނީ ފާއިތުވެދިޔަ 19 އަހަރު ޤައުމީ ޓީމަށް ރޮނާލްޑޯ ކޮއްދީފައިވާ ޚިދުމަތައް އިޚްތިރާމް ކުރަންޖެހޭ ކަމަށެވެ. 

ރޮނާލްޑޯ އަށް ތައުރީފުކޮށް ވާހަކަ ދައްކަމުން މާޓީނޭޒް އިތުރަށް ބުނީ އަހަރެމެން ވާހަކަ މިދައްކަނީ ދުނިޔޭގައި އުފެދުނު އެންމެ މޮޅު އެއްކުޅުންތެރިއާގެ ވާހަކަ ކަމަށާއި އޭނާގެ މަސައްކަތް ފަށައިގަތުމުގެ ކުރިން ރޮނާލްޑޯއަށް ގުޅައި މަޝްވަރާކުރާނެކަމަށެވެ.

2003 ވަނަ އަހަރު އުމުރުން 18 އަހަރުގައި ޕޯޗުގަލް ޤައުމީ ޓީމަށް ކުޅެންފެށި ކްރިސްޓިއާނޯ ރޮނާލްޑޯ ވަނީ މިހާތަނަށް ޕޯޗުގަލް ޤައުމީ ޓީމަށް ކުޅެދިން 196 މެޗުގައި 118 ލަނޑު ޤައުމީ ޓީމަށް ކާމިޔާބުކޮށްދީފައެވެ.