އިންޑިއާ ސަރުކާރުގެ އެހީތެރިކަމާއި އެކު ރާއްޖޭގެ 10 އެތްލީޓަކު އެޤައުމުގައި ތަމްރީނު ހެދުމަށް މި މަހު 16 ވަނަ ދުވަހު ފުރުމަށް ހަމަޖެހިފައިވާކަމަށް ރާއްޖޭގެ އެތްލެޓިކްސް އެސޯސިއޭޝަން ބުނެފިއެވެ.
ވޮއިސް އަށް މައުލޫމާތް ދެއްވަމުން އެތްލެޓިކްސް އެސޯސިއޭޝަންގެ ޖެނެރަލް ސެކްރެޓަރީ އަހުމަދު މުންތަގިމް ވިދާޅުވީ "މި ޓްރޭނިން ކޭމްޕަކީ މިއަހަރުގެ ކުރިއަށް ހުރި މުބާރާތްތަކަށް ތައްޔާރުވުމަށް، ވަކީން ހާއްސަކޮށް އިންޑިއަން އޯޝަން އައިލެންޑް ގޭމްސްއަށް ތައްޔާރުވުމުގެ ގޮތުން އެތްލީޓުންނަށް އިތުރު ތަޖުރިބާ ހޯދުމުގެ ގޮތުން އެތްލެޓިކްސް އެސޯސިއޭޝަނުގެ އިތުރުން އިންޑިއާ ހައިކޮމިޝަންގެ ވަރަށް ބޮޑު އެހީތެރިކަމަކާއެކު ހަަމަޖެހުނު ޓްރޭނިންގ ކޭޕެއްކަމަށެވެ.
ފޮޓޯ: އެތްލެޓިކްސް އެސޯސިއޭޝަން ފޭސްބުކް ޕޭޖުން ނަގާފައި
މުންތަގިމް އިތުރަށް ވިދާޅުވީ "މިއީ ގާތްގަޑަކަށް 6 މަސް ދުވަހުގެ ޓްރޭނިންގ ޕްރޮގުރާމެއް ނަމަވެސް ރޯދަމަހަށް އެތްލީޓުން މިކޮޅަށް އަންނާނެ، އަދި ރޯދަމަސް ނިމުމުން އަނެއްކާވެސް އެކޮޅަށް ދާގޮތަށް" މި ޓީމުގައި ހިމެނެނީ 10 އެތްލީޓުން ނާއި 3 އޮފިޝަލުންނެވެ.
އިންޑިއާ ޓްރޭނިންގ ކޭމްޕުގައި ބައިވެރިވާ ރާއްޖޭގެ ޓީމުގައި ހިމެނޭ އެތްލީޓުން ނަކީ އާމިނަތު ޖައިޝާ ޖޫނީޒް, ޒިވާ މޫސާ ޝަފީއު، ރިފާ މުހައްމަދު، މަރިޔަމް އަލްހާ ހުސެއިން، އަބްދުލް ރަޝީދު އިސްމާއިލް، ހުސެއިން ރިޒާ، ހަސަން ސާއިދު، އަހުމަދު ނަޖުދާން އަބްދުﷲ، ހުސެއިން ޒީކް ސައުދު އެވެ. އޮފިޝަލުންގެ ގޮތުގައި މިޓީމައި އެކު މި ދަތުރުގައި ބައިވެރިވަނީ އަހުމަދު ފާއިލް، މަފާޒާ މުސްތަފާގެ އިތުރުން ޝިފާޒް ރާޝިދު އެވެ.
Advertisement
This content is created and paid for by advertisers and does not involve Voice Journalists
