ނައިފަރު އޯޕަން 2023 ބެޑްމިންޓަން މުބާރާތުގެ ބީޑިވިޝަން މެންސް ސިންގަލްސް، ޗެންޕިއަންކަން އަހުމަދު މޫސާ ހޯދައިފިއެވެ. މި ހަފްތާގެ ހޯމަދުވަހުގެ ރޭ ނައިފަރުގެ ބެޑްމިންޓަން ހޯލުގައި ކުޅެވުނު ފައިނަލުގައި ބީޑިވިޝަން މެންސް ސިންގަލްސް، ޗެންޕިއަންކަން އަހުމަދު މޫސާ ހޯދީ އިބްރާހިމް މޫސާ އާއި ވާދަކޮށް ފޯރިގަދަ ކުޅުމަކަަށް ފަހު 15/21 , 21/17 , 15/21 ން މެޗުުު ކާމިޔާބުކޮށްގެންނެވެ.

ބީޑިވިޝަން މެންސް ސިންގަލްސް ފައިނަލުގައި އިބްރާހިމް މޫސާ ވާދަކުރަނި ފޮޓޯ: އައި- ޝަޓަރ

120 ބައިވެރިންނާއި އެކު 2022 ޑިސެންބަރު 31 ވަނަ ދުވަހުން ފެށިގެން 2023 ޖެނުއަރީ 9 ގެ ނިއަލަށް ކުރިއަށްގެންދިޔަ މި މުބާރާތަކީ، ޅ.ނައިފަރުގެ އަމިއްލަ ޖަމިއްޔާ އެއް ކަމަށްވާ ބެޑްމިންޓަން އެކަޑަމީ އޮފް ނައިފަރުގެ ފަރާތުން އިންތިޒާމްކޮށްގެން މި އަހަރު އަލަށް ބާއްވަން ފެށި މުބާރާތެކެވެ.

Advertisement

ބީޑިވިޝަން މެންސް ސިންގަލްސް ފައިނަލު މެޗުގެ ތެރެއިން އަހުމަދު މޫސާ ފޮޓޯ: އައި - ޝަޓަރ

މި މުބާރާތުގެ މީޑިއާ ޕާޓްނަރަކަށް ވޮއިސް އެމްވީ ހަމަޖައްސާފައިވާއިރު، މުބާރާތުގެ މެއިން ސްޕޮންސަރ އަކީ މިނިސްޓްރީ އޮފް ޔޫތު ސްޕޯރޓްސް އެންޑް ކޮމިއުނިޓީ އެމްޕަވަރމަންޓް އެވެ. އަދި ކޯ ސްޕޮންސަރުންނަކީ ފާދިއްޕޮޅު ނައިފަރު ކައުންސިލްގެ އިދާރާ, ކޯރާ ކޯރާ މޯލްޑިވްސް އެވެ. މީގެ އިތުރުން މުބާރާތުގެ އިވެންޓް ޕާރޓްނާރސް ގޮތުގައި ފުޝިފަރު މޯލްޑިވްސް, ކޮކޫން މޯލްޑިވްސް, ބޭންކް އޮފް މޯލްޑިވްސް ހަމަޖައްސާފައިވާއިރު ސަޕޯރޓިންގ ޕާރޓްނާރސް އަކީ ކެފޭ ކެރިސްޕީ, ލޫލޭ, ވާވާ ގްރޫޕް, އަސްކަނި ސްޕޯރޓްސް, ޒުހަލް އެކްސްޕްރެސް, ބަޑީޒް ނެޓް އެވެ.