ލުއިސް ސުއަރޭޒްގެ ހެޓްރިކާއެކު ސާއޯ ލުއިޒް އަތުން 4-1 އިން މޮޅުވެ ގްރެމިއޯއިން ރެކޯޕާ ގައުޗާ ސުޕަ ކަޕްގެ ޗެމްޕިއަންކަން ހޯދައިފިއެވެ. ބާސެލޯނާ، ލިވަޕޫލްގެ އަދި އެތްލެޓިކޯ މެޑްރިޑުގެ ކުރީގެ ފޯވާޑް ފުރަތަމަ ހާފުގެ 38 މިނެޓުގެ ތެރޭގައި ހެޓްރިކް ފުރިހަމަކުރި އިރު މި މެޗުގައި ގްރެމިއޯއިން ކާމިޔާބުކުރި ހަތަރު ލަނޑުވެސް ކާމިޔާބުކޮއްފައި ވަނީ ފުރަތަމަ ހާފުގައެވެ.

އުމުރުން 35 އަހަރުގެ ސުއަރޭޒް ބްރެޒިލްގެ ކްލަބާ ގުޅުނީ މިދިޔަ ޑިސެމްބަރު މަހު އޭރު އެނާ ކުޅެމުންއައި ކުލަބު ކަމަށްވާ ނެސިއޯނަލް ކޮންޓްރެކްޓް ހަމަވުމުން އެޓީމު ދޫކޮށްލުމަށް ފަހު އެވެ. ސުއަރޭޒްގެ ކުޑައިރުގެ ކުލަބު ދޫކޮށްލުމަށް ފަހު ވޯލްޑް ކަޕަށް ފުޓްބޯޅަ މުބާރާތް ނިމެންދެން އޭނާ ހުރީ ފްރީ އެޖެންޓެއްގެ ގޮތުގައެވެ. ވޯލްޑް ކަޕަށް ފަހު އޭނާ ބުރެޒިލްގެ ކުލަބް ގްރެމިއޯ އާއިއެކު ސޮއިކުރީ ދެ އަހަރުގެ އެއްބަސްވުމެއްގަ އެވެ.

ފުރަތަމަ މެޗުގައި ގްރެމިއޯއަށް ހެޓްރިކް ކާމިޔާބުކޮށްދިނުމަށް ފަހު ސުއަރޭޒް އުފާ ފާޅުކުރަނީ

މެޗަށް ހަފު ސްޕޯޓްވީ އާއި ވާހަކަ ދައްކަމުން ސުއަރޭޒް ބުނީ މިއީ އޭނާގެ އެންމެ ފުރިހަމަ ޑެބިއު މެޗު ކަމަށެވެ. ކުރިން ނެދަލޭންޑްސް ގެ އަޔަކްސް، ޕްރެމިއާ ލީގުގެ ލިވަޕޫލް، ސްޕެނިޝް ލަލީގާގެ ދެކުލަބު ކަމަށްވާ ބާސެލޯނާ އަދި އެތްލެޓިކޯ މެޑްރިޑުގައި މޮޅުކުޅުމެއް ދައްކައިދީފައިވާ އުރުގުއާއީގެ ފޯވާޑް މީގެކުރިން ޑެބިއު މެޗެއްގައި ގޯލު ކާމިޔާބުކޮށްދީފައި ވަނީ އެތްލެޓިކޯ މެޑްރިޑަށެވެ.

ގްރެމިއޯއިން ރެކޯޕާ ގައުޗާ ސުޕަ ކަޕްގެ ޓްރޮފީއާއި އެކު

މެޗުގެ ދެވަނަ ހާފު ކުުޅުންފެށިގެ 14 ވަނަ މިނެޓުގައި ގްރެމިއޯގެ ކޯޗު ސުވަރޭޒު ބަދަލުކޮއްފައިވާއިރު ދަނޑައްވަދެތިބި ގްރެމިއޯގެ ސަޕޯޓަރުންގެ ފަރާތުން ސްއަރޭޒަށް ބޮޑުތަރުހީބެއްލިބިފައިވެއެވެ. އަދި މެޗަށްފަހު އެޓީމުގެ ކޯޗުވަނީ ސުއަރޭޒުގެ ކުޅުމަށް ތައުރީފުކޮށް ވާހަކަދައްކާފައެވެ.

މިއީ 2013 ވަނަ އަހަރު ނޯވިޗް ސިޓީއާ ދެކޮޅަށް ލިވަޕޫލާ އެކު ސުއަރޭޒް ހެޓްރިކް ހެދި ފަހުން ފުރަތަމަ ހާފުގައި އޭނާ ހެޓްރިކް ހެދި ފުރަތަމަ ފަހަރެވެ. އަދި 2020 ވަނަ އަހަރު ބާސެލޯނާ ދޫކޮށް ވާދަވެރި އެތުލެޓިކޯއާ ގުޅުމަށްފަހު އެޓީމަށް ކުޅެދިން ފުރަތަމަ މެޗުގައި  އޭނާ ވަނީ ދެ ލަނޑު ކާމިޔާބުކޮށްފައެވެ.

މިދިޔަ އަހަރު ފުރަތަމަ ޑިވިޝަނަށް ޕްރޮމޯޓުވުމަށް ފަހު ގްރެމިއޯ މި ސީޒަނުގައި ކުޅޭނީ ބްރެޒިލްގެ ސެރީއޭގަ އެވެ.