މި ދައުރު ނިމުމުގެ ކުރިން ބިލެއްފަހީގައި އެއަރޕޯޓު އެޅުމުގެ މަސައްކަތް ފައްޓަވާދެއްވާނެކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާހިލު ވިދާޅުވެއްޖެ އެވެ.
ރައީސް ޞާހިލު މިފަދައިން ވިދާޅުވެފައިވަނީ ށ. ކަނޑިތީމުގައި ބޭއްވި އެމަނިކުފާނުގެ ކެމްޕޭނު ޖަލްސާގައި ވާހަކަދައްކަވަމުން ނެވެ. އެގޮތުން ރައީސް ޞާލިހު ވިދާޅުވީ ބިލެއްފަހީގައި އެއަރޕޯޓު އެޅުމަށް ވީ ވައުދު ހަނދާންނައްތާނުލައްވާ ކަމަށެވެ.
ވައުދުވީ ގޮތަށް އެ މަސައްކަތް މި ދައުރު ނިމުމުގެ ކުރިން ފައްޓަވާދެއްވާނެކަމަށް އެމަނިކުފާނު ވިދާޅުވިއެވެ. މިހާރު އެ މަސައްކަތް ކުރުމަށް ބޭނުންވާ ފަންޑު ހަމަޖެހިފައިވާކަމަށާއި، އެ މަސައްކަތް އޮތީ ޓެންޑާ މަރުހަލާގައި ކަމަށް ރައީސް ޞާލިހު ވިދާޅުވިއެވެ.
"ވައުދުވި ގޮތަށް ބިލެއްފަހީގެ އެއަރޕޯޓުގެ އަމަލީ މަސައްކަތް މި ދައުރުގައި ދެށި ކުރިއަށްދާތަން ތި ބޭފުޅުންނަށް ފެނިގެން ދާނެ. އިރާދަކުރެއްވިއްޔާ ލަސްތަކެއްނުވެ ދެން އަޅުގަނޑު އެނބުރި އައިސް ތިބޭފުޅުންނާއި ބައްދަލުކުރާއިރު އަޅުގަނޑުގެ އުންމީދަކީ އެ މަސައްކަތް ބިލެއްފަހީގައި ކުރެވެމުން ދާތަން ފެނުން"
ރައީސް އިބްރާހިމް މުހައްމަދު ޞާލިހު
ރައީސް ޞާލިހު އިތުރަށް ވިދާޅުވީ ތަރައްގީގެ ރޭހުގައި ކުދިރަށްތައް އެކަހެރިކޮށްފައި އޮތް އޮތުން އެމަނިކުފާނުގެ ވެރިކަމުގައި ނިމުމަކަށް ގެނެސްދެވިއްޖެ ކަމަށެވެ. މީގެ ކުރީގެ އެއްވެސް ސަރުކާރަކުން ކުދި އާބާދީތަކަށް ނުކުރާވަރަށް މި ސަރުކާރުން އެފަދަ ރަށްތަކަށް އިންވެސްޓުކޮށްފައިވާކަމަށް ރައީސް ޞާލިހު ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
