ތިމާގެ އަޚާ އާއިމެދު ދައްކަން ނުވާ ވާހަކަ ހުންނަންޖެހޭނެ ކަމަށާ، ބައެއްވާހަކަ ތަކަކީ ދައްކައިފި ނަމަ ފަޑިޔާރެއްގެ ކުރިމަތީ ސާބިދުކޮށްދިނުން ލާޒިމްވާނެ ވާހަކަތައް ކަމަށް ރައްޔިތުންގެ މަޖިލީހުގެ ކެލާ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ.
ރައްޔިތުންގެ މަޖިލީހުގެ ރަސްމީ ޓުވިޓާ އެކައުންޓާއި، މަޖިލީހުގެ ރައީސް، މުހައްމަދު ނަޝީދު ގެ ޕްރައިމަރީ ކެމްޕެއިން އެކައުންޓް، "ފިކުރެއްގެ ދިރުން" އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ގެ ޓުވިޓާ ކެންޕެއިން އެކައުންޓް "ރައީސް ޞާލިހު 2023" ޓެގް ކުރައްވައި ޝަރީފް ކުރެއްވި ޓްވީޓެއްގައި އޭނާ ވަނީ ނުސީދާ ގޮތުން ރައީސް ނަޝީދަށް ބަހުގެ ހަމަލާތަކެއް ރައްދު ކުރައްވާފައެވެ.
އެގޮތުން ޝަރީފް ވިދާޅުވީ، އިސްލާމީ ގައުމެއްގެ ވެރިއަކަށް އިސްލާމްދީނުގައި ހައްދު ކަޑައަޅާފައިވާ ކަންކަން އެގެންޖެހޭނެކަމަށެވެ.
"އޭނަގެ އަޚާއާމެދު ނުދައްކާނެ ވާހަކަހުންނަންޖެހޭނެ. ބައެއްވާހަކަ ތަކަކީ ދައްކައިފި ނަމަ ފަޑިޔާރެއްގެ ކުރިމަތީ ސާބިދުކޮށްދިނުން ލާޒިމްވާނެ." ޝަރީފް ވިދާޅުވި އެވެ.
ޝަރީފް މިފަދައިން ވިދާޅުވެ ބަހުގެ ހަމަލާތަކެއް ރައީސް ނަޝީދަށް އަމާޒުކުރައްވާފައި މިވަނީ، ރައީސް ޞާލިހު ގެ އިސްތަށިފުޅުގައި ޒިނޭގެ ތުހުމަތު އަޅުވައި ރައީސް ނަޝީދު ދެއްކެވި ވާހަކަތަކާއި ގުޅިގެން ކަމަށް ބެލެވެއެވެ.
އެގޮތުން، ފާއިތުވެދިޔަ އަހަރުތެރޭގައި، ރައީސް ނަޝީދުގެ ކޮއްކޮ ނާޒިމް ސައްތާރު، އެއްޖިންސުން ގުޅުން ހިންގުމުގެ މައްސަލާގައި ހައްޔަރުކުރުމާއި ގުޅިގެން، ރައީސް ނަޝީދު ވަނީ އެކަމާއި މެދު ވަރަށް ބޮޑަށް ނުރުހުން ފާޅުކުރައްވާފައެވެ. އަދި ރައީސް ޞާލިހު ޒިނޭ ކުރާ މަންޒަރު ފެންނަ 4 ފޮޓޯ ރައީސް ނަޝީދަށް ލިބިފައިވާ ކަމަށްވެސް ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
