އއ އޮއްޑޫއިން 100 ގޯތި ދޫކުރުމަށް އެރަށު ކައުންސިލުން ނިންމި ނިންމުން މަޑުޖައްސާލާ، ގޯތި ދޫނުކުރުމަށް ތޮއްޑޫ ކައުންސިލްގެ މައްޗަށް އޮއްޑޫ މެޖިސްޓްރޭޓް ކޯޓުން އަމުރު ނެރެފިއެވެ. 

ތޮއްޑޫ ކައުންސިލުން ވަނީ އއ އޮއްޑޫއިން 3000 އަކަފޫޓުގެ 100 ގޯތި ދޫކުރުމަށް ނިންމާފަ އެވެ. މިފަދައިން ނިންމާ ކައުންސިލުން ވަނީ މިދިޔަ އޮކްޓޫބަރު މަހު އިއުލާނުވެސް ކޮށްފަ އެވެ. އަދި ކައުންސިލުން ވަނީ ގޯތި ލިބޭނެ މީހުންގެ ލިސްޓުވެސް އާންމުކޮށްފަ އެވެ. 

އެހެން ނަމަވެސް އެ ލިސްޓުގައި ނަން ނުހިމެނޭ 4 މީހަކު ވަނީ އެ މައްސަލަ ކޯޓަށް ހުށައަޅާފައެވެ.

Advertisement

ކައުންސިލާއި ދެކޮޅަށް މައްސަލަ ހުށައެޅި ފަރާތްތައް ބުނެފައިވަނީ، ގޯތި ދޫކުރުމަށް ކައުންސިލުން އެކުލަވާލި އުސޫލުތައްވެސް ގޯސްކަމަށެވެ. އަދި ލިސްޓު އެކުލަވާލިއިރު މާކްސް ދީފައިވަނީވެސް އިންސާފުވެރިކޮށް ނޫންކަމަށް އެ ފަރާތްތައް ވަނީ ތުހުމަތުކޮށްފަ އެވެ. 

މައްސަލަ ހުށައެޅި ފަރާތްތަކުން ވަނީ އެ މައްސަލަ ވަކި ގޮތަކަށް ނިމެންދެން ގޯތި ދޫކުރުން ވަގުތީގޮތުން މަޑުޖައްސާލުމުގެ އަމުރަކަށްވެސް އެދިފައެވެ.

އެއާއެކު ތޮއްޑޫ މެޖިސްޓްރޭޓު ކޯޓުން ނެރުނު ބަޔާނެއްގައި ބުނީ މައުލޫއީ މައްސަލަ ވަކި ގޮތަކަށް ނިމެންދެން ގޯތި ލިބޭ މީހުންގެ ލިސްޓަށް އަމަލު ނުކުރުމަށް ކައުންސިލްގެ މައްޗަށް އަމުރު ކުރާކަމަށެވެ. 

މެޖިސްޓްރޭޓު ކޯޓުގެ އެ އަމުރުގައި ބުނެފައިވަނީ ކައުންސިލުން ގޯތި ދޫކުރާ ފަހުން މި މައްސަލަ ދައުވާ ކުރާ ހަތަރު މީހުންނާ އެއްކޮޅަށް ނިމިއްޖެނަމަ އެމީހުންނަށް އިޔާދަ ނުކުރެވޭ ވަރުގެ ބޮޑު ގެއްލުމެއް ލިބިދާނެ ކަމަށެވެ.

އެ މައްސަލައަކީ ކައުންސިލުން ނިންމާފައިވާ ނިންމުމަކާ ގުޅިގެން ހައްގަކަށް އުނިކަމެއް އައިސްގެން ބަޔަކު ކުރާ ދައުވާއެއް ކަމުން ގޯތި ދޫކުރަން މަޑުޖައްސާލަން މެޖިސްޓްރޭޓު ކޯޓުން ވަނީ އަމުރުކޮށްފަ އެވެ. 

ތޮއްޑޫން އެންމެ ފަހުން ގޯތި ދޫކުރި 2016 ވަނަ އަހަރު އެވެ. އޭގެ ފަހުން 2020 ގައި ވެސް ގޯތި ދޭން އިއުލާނު ކުރި އެވެ. ނަމަވެސް މައްސަލަތަކެއް ފާހަގަ ކުރެވުމާއި ގުޅިގެން އެފަހަރުވެސް ވަނީ ގޯތި ދޫކުރުމުގެ މަޝްރޫއު ހުއްޓާލާފަ އެވެ.