ދެކުނު އޭޝިއާގެ އެތުލެޓިކްސް ފެޑެރޭޝަން، ސާފްގެ އަހަރީ އާންމު ބައްދަލުވުން ރާއްޖޭގައި ބާއްވައިފިއެވެ. މި ބައްދަލުވުން ކުރިއަށް ގެންގޮސްފައިވަނީ މިއަދު ކްރޮސްރޯޑްސްގެ އިވެންޓް ގޯލުގަ އެވެ.
ބައްދަލުވުމުގައި ދެކުނު އޭޝިއާގެ ގައުމުތަކުގެ އެތުލެޓިކްސް ފެޑަރޭޝަންސް ތަކުން ބައިވެރިވި އިސް ފަރާތްތައް / ފޮޓޯ: އެތްލެޓިކްސް އެސޯސިއޭޝަން އޮފް މޯލްޑިވްސް
މި ބައްދަލުވުމުގައި ދެކުނު އޭޝިއާގެ ގައުމުތަކުގެ އެތުލެޓިކްސް ފެޑަރޭޝަންސް ތަކުގެ އިސް ފަރާތްތައް ބައިވެރިވެވަޑައިގެންނެވިއިރު، އޭޝިއަން އެތުލެޓިކްސް ފެޑެރޭޝަންގެ ރައީސް ގަތަރުގެ ޖެނެރަލް ދަހްލާން އަލް ހަމަދު ވެސް ބައިވެރިވެވަޑައިގެންނެވި އެވެ.
މި ބައްދަލުވުމުގައި ދެކުނު އޭޝިއާގެ އެތުލެޓިކްސް ފެޑެރޭޝަންގެ އަސާސީ ގަވާއިދާ ގުޅޭ މުހިންުމު ކަންކަން މަޝްވަރާކޮށް އަސާސީ ގަވާއިދު ފާސްކުރުން އޮތެވެ. މީގެ އިތުރުން ކުރިއަށް އޮތް ދައުރަށް ސާފްގެ ހިންގާ ބޯޑުގެ މަގާމުތަކުގެ އިންތިހާބު ބޭއްވި އެވެ.
މިއީ ރާއްޖޭގައި ސާފްގެ އަހަރީ އާންމު ޖަލްސާއެއް ބޭއްވި ތިން ވަނަ ފަހަރެވެ. އެންމެ ފަހުން 2017 ވަނަ އަހަރު މި ޖަލްސާ ބޭއްވީ އައްޑޫ ސިޓީގަ އެވެ.
ދެކުނު އޭޝިއާގެ އެތުލެޓިކްސް ފެޑެރޭޝަންގެ މި މުހިންމު ބައްދަލުވުން ކުރިއަށް ގެންދިއުމަށް ޔޫތު މިނިސްޓްރީ އާއި މިނިސްޓަރު އަހުމަދު މަހުލޫފްގެ ފަރާތްޕުޅުން ލިބިވަޑައިގެންނެވި އެއްބާރުލުން ފާހަގަކޮށް އެތްލެޓިކްސް އެސޯސިއޭޝަންގެ ފަރާތުން ޝުކުރު އަދާކޮއްފައިވެއެވެ.
Advertisement
This content is created and paid for by advertisers and does not involve Voice Journalists
