ޖަރުމަނު ލީގުގައި ރޭ ރަށުން ބޭރުގައި ސްޓުޓްގާޓް 2-1 ގެ ނަތީޖާއަކުން ބަލިކޮށް ބަޔާން މިޔުނިކް އަލުން ލީގުތާވަލުގެ އެއްވަނައަށް ޖެހިލައިފިއެވެ.
ރޭގެ މެޗުގައި ބަޔާނަށް ފުރަތަމަ ލަނޑު 39 ވަނަ މިނެޓުގައި ޖަމާލް މުސިއާލާ ތަނަވަސް ކޮށްދިން ފުރުޞަތެއްގައި ކާމިޔާބު ކޮށްދިނީ ނެދަލޭންޑްސްގެ ޑިފެންޑަރ ޑި ލީޓެވެ.
ބަޔާން ގެ ދެވަނަ ލަނޑު ދެވަނަ ހާފުގެ 62 ވަނަ މިނެޓުގައި ކާމިޔާބުކޮށްދިނީ ފޯވާޑް ޗޫޕޯ މޯޓިން އެވެ. މިއީ އެޓީމުގެ ޖަރުމަނު މިޑްފީލްޑަރ ތޯމަސް މުލާ ތަނަވަސް ކޮށްދިން ފުރުޞަތެއްގައި އޭނާ ކާމިޔާބުކޮށްދިން ލަނޑެކެވެ.
ސްޓުޓްގާޓުން މެޗުގައި ޖެހި ހަމައެކަނި ލަނޑު މެޗުގެ ފުރިހަމަ ވަގުތު ހަމަވާން ދެ މިނެޓަށް ވެފައި ވަނިކޮށް ތޯމަސް ތަނަވަސް ކޮށްދިން ފުރުޞަތެއްގައި ކާމިޔާބު ކޮށްދީފައި ވަނީ ޕެރެއާއެވެ.
ޖަރުމަނު ލީގުގައި ހުކުރު ދުވަހުގެ ރޭ ބްރޫޝިއާ ޑޯޓްމަންޑާއި ލައިޕްޒިގެ ބައްދަލުކުރި މެޗު 2-1 ގެ ނަތީޖާއިން ކާމިޔާބުކޮށް ލިބުނު ތިން ޕޮއިންޓާއިއެކު ޑޯޓްމަންޑް ޕޮއިންޓް ތާވަލުގެ އެއްވަނައަށް ޖެހިލާފައެވެ.
ނަމަވެސް ރޭގެ މެޗުން ލިބުނު ތިން ޕޮއިންޓާއި އެކު ބަޔާނުން ވަނީ 23 މެޗުން 49 ޕޮއިންޓް ހަމަކޮށް ޕޮއިންޓްގެ ގޮތުން ޑޯޓްމަންޑާއި އަރާ ހަމަކޮށްފައެވެ. އަދި ގޯލުގެ ތަފާތުން މިވަގުތު އެއްވަނަ ލިބެނީ ބަޔާން މިއުނިކަށެވެ. މި މެޗުން ބަލިވި ސްޓުޓްގާޓް އަށް 23 މެޗުން ލިބުނު 19 ޕޮއިންޓާއި އެކު އެޓީމު އޮތީ ތާވަލުގެ 15 ވަނައިގައެވެ.
Advertisement
This content is created and paid for by advertisers and does not involve Voice Journalists
