ޔުއެފާ ޗެމްޕިއަންސްލީގުގެ ދެވަަނަ ބުރުގެ ދެވަަނަ ލެގުގައި މިރޭ އަމިއްލަ ދަނޑުގައި ބެލްޖިއަމްގެ ކްލަބް ބުރޫޖް ފަސޭހަކަމާއި އެކު 5-1 ގެ ނަތީޖާއަކުން ބަލިކޮށް މުބާރާތުގެ ކުއާޓާ ފައިނަލުން ޕޯޗުގަލްގެ ބެންފީކާ ޖާގަ ހޯދައިފިއެވެ.
ބެންފީކާ އާއި ކުލަބް ބުރޫޖް ވާދަކުރި ފުރަތަަމަ ލެގު އެޓީމުން 2-0 ގެ ނަތީޖާއަކުން ކާމިޔާބުކުރި އިރު މިރޭގެ މެޗުގެ ނަތީޖާއާ އެކު ދެމެޗުގެ އެގްރިގޭޓުން އެޓީމަށް ކުރި ލިބެނީ 7-1 ގެ ނަތީޖާއަކުންނެވެ.
މިރޭގެ މެޗުގައި ބެންފީކާގެ ފުރަތަަމަ ލަނޑު ފުރަތަަމަ ހާފުގެ 38 ވަނަ މިނެޓުގައި މިޑްފިލްޑަރު ރަފާ ސިލްވާ ކާމިޔާބުކުރި އިރު އެޓީމުގެ ދެވަނަ ލަނޑު ފުރަތަަމަ ހާފުގެ އިތުރު ވަގުތުގެ ތެރޭގައި ކާމިޔާބުކޮށްދިނީ ޒުވާން ފޯވާޑް ރާމޯސް އެވެ.
ދެވަނަ ހާފުގެ 57 ވަނަ މިނެޓުގައި ރާމޯސް އެޓީމުގެ ތިންވަނަ ލަނޑު ކާމިޔާބުކޮށްދިންއިރު، އެޓީމުގެ ހަތަރުވަނަ ލަނޑު ދެވަނަ ހާފުގެ 71 ވަނަ މިނެޓުގައި އެޓީމަށް ލިބުނު ޕެނަލްޓީއަކުން ކާމިޔާބުކޮށްދިނީ ތަޖުރިބާކާރު މިޑްފިލްޑަރު ޖޯ މާރިއޯ އެވެ. އަދި އެޓީމުގެ ފަސްވަނަ ލަނޑު 77 ވަނަ މިނެޓުގައި ކާމިޔާބުކޮށްދިނީ ބްރެޒިލްގެ ފޯވާޑް ޑޭވިޑް ނެރެސް އެވެ.
ކްލަބް ބުރޫޖް އިން އެ މި މެޗުގައި ކާމިޔާބުކުރި ހަމައެކަނި ލަނޑު ދެވަނަ ހާފުގެ 87 ވަނަ މިނެޓުގައި ކާމިޔާބުކޮށްދިނީ އެޓީމުގެ ޑިފެންޑަރު ބްޔޯރން މެއިޖަރ އެވެ.
ޗެމްޕިއަންސްލީގުއި މާދަމާ ރޭ ކުޅުމަށް ހަމަޖެހިފައިވާ މެޗުތަކުގައި ރަށުން ބޭރުގައި ޕީއެސްޖީ ނުކުންނާނީ ޖަރުމަނުގެ ބަޔާން މިއުނިކާއި ދެކޮޅަށެވެ. އަދި އަމިއްލަ ދަނޑުގައި ޓޮޓެންހަމް ނުކުންނާނީ އިޓަލީގެ އޭސީ މިލާނާއި ދެކޮޅަށެވެ. މި ދެ މެޗު ވެސް ފެށުމަށް ހަމަޖެހިފައިވަނީ ރާއްޖެ ގަޑިން ދަންވަރުން 1:00 ގައެވެ.
Advertisement
This content is created and paid for by advertisers and does not involve Voice Journalists
