ޕާކިސްޠާނުގެ ކުރީގެ ބޮޑު ވަޒީރުގެ ރެލީ ފެށެން ދެތިން ގަޑިއިރަށް ވެފައި އޮއްވައި ޕާކިސްޠާނުގެ ލާހޯރުގައި 4 މީހުންނަށްވުރެ ގިނަ މީހުން އެއްވެ އުޅުން މަނާކޮށްފިއެވެ.

ޕާކިސްޠާނުގެ ޕަންޖާބު ޕޮލިހުން ބުނިކަމަށް ޕާކިސްޠާނުގެ މީޑީއެއްގައި ބުނެފައިވަނީ ލާހޯރްގައި އެއްވެސް ބާވަތެއްގެ އެއްވުމެއް ބޭއްވުން މަނާކޮށްފައިވަނީ ހިނގައިފާނެ ނުރައްކާތެރި ހާދިސާއަކުން ރައްކާތެރިވުމަށް ކަމަށެވެ.

ލާހޯރްގައި 4 މީހުންނަށް ވުރެ ގިނަ މީހުން އެއްވެއުޅުން މަނާ ކޮށްފައި އޮތް އޮތުން 7 ދުވަހަށް ދިގުދެމިގެން ދާނެއެވެ.

Advertisement

ލާހޯރް ގައި އެއްވެއުޅުން މަނާކޮށްފައިވަނީ ޢިމްރާން ޚާން ގެ ޕާޓީ ޕާކިސްޠާން ތަހްރީކޭ އެ-އިންސާފް ޕާޓީ އިން  ޕަންޖާބުގެ ޕްރޮވިންޝިއަލް އެސެމްބްލީގެ އިންތިޚާބުގައި ވާދަކުރުމަށް ކެމްޕޭނު ކުރުމަށް ކެމްޕޭނު ހަރަކާތަކަށް ތައްޔާރުވަމުން ދަނިކޮށެވެ.

ލާހޯރަކީ ޕަންޖާބުގެ ވެރިކަންކުރާ ޕްރޮވިންސެވެ. އަދި އެސަރަހައްދުގެ މަޤާމުތައް އޭޕްރީލް 30 އަށް މުއްދަތު ހަމަވާތީ ޢިމްރާން ޚާންގެ ޕާޓީ އިން އަންނަނީ ތަކުރާރުކޮށް އިންތިޚާބަކަށް ގޮވާލަމުންނެވެ. ނަމަވެސް ބޮޑުވަޒީރު ޝެހެބާޒް ޝަރީފް ވަނީ އެކަން އެގޮތަށް ނުވާނެ ކަމަށާއި، ވޯޓުލުން އޮންނާނީ ސަރުކާރުން ޝެޑިޔުލް ކޮށްފައިވާ ގޮތަށް އަހަރެއް ފަހުން ކަމަށް ބުނެފައެވެ.

ލާހޯރްގައި އެއްވެ އުޅުން މަނާކޮށްފައިމިވަނީ އަންހެނުންގެ ދުވަހާއި ގުޅުވައިގެން ބޭއްވުމަށް ހަމަޖެހިފައިވާ "އައުރަތް މާޗް" (އަންހެނުންގެ މާޗް) ކުރިމައްޗަށް އޮއްވައެވެ.