ކުރީގެ ރައީސް ޢަބްދުالله ޔާމިން ޢަބްދުލް ޤައްޔޫމްގެ މައްޗަށް ކޮށްފައިވާ 11 އަހަރުގެ ޖަލު ޙުކުމުގެ އިސްތިއުނާފް އިސްލާޙު ކުރުމަށް ހައިކޯޓުން އަންގައިފިއެވެ.
ރައީސް ޔާމީން ގެ މައްޗަށް 11 އަހަރުގެ ޖަލު ޙުކުމެއް ޖަހައިފައިމިވަނީ ވ އާރަށް ކުއްޔަށް ދިނުމުގައި ރިޝްވަތު ހިފުމާއި މަނީ ލޯންޑްރިންގެ ކުށް ސާބިތުވާ ކަމަށް ކަނޑައަޅައިފައެވެ. ކްރިމިނަލް ކޯޓުނ އެމަނުކުފާނަށް މިގޮތަށް ހުކުމް އިއްވާފައިވަނީ ފާއިތުވި އަހަރުގެ ޑިސެމްބަރ 25 ގައެވެ.
އެ ހުކުމް އިސްތިއުނާފް ކުރުމަށް ރައީސް ޔާމިންގެ ފަރާތްޕުޅުން މިދިޔަ މަހު ވަނީ ހުށައަޅައިފައެވެ.
އެމައްސަލައިގެ އިސްތިއުނާފް ފޯމު އިސްލާހު ކުރަން އެންގި ކަން ހައިކޯޓުގެ މީޑިއާ އިން ވަނީ ވޮއިސް އަށް ކަށަވަރުކޮށްދީފައިވެއެވެ.
ރައީސް ޔާމިން ގެ މައްޗަށް 11 އަހަރުގެ ޖަލު ހުކުމެއް އިއްވައިފައިވަނީ އިދިކޮޅު ކެނޑިޑޭޓެއްގެ ގޮތުގައި އެމަނުކުފާނު ނެރުމައް އިދިކޮޅު ކޯލިޝަނުން ނިންމާފައި ވަނިކޮށެވެ. އިންތިޚާބު ގާތް ވަމުން އަންނައިރު ޕީޕީއެމް ޕީއެންސީ ކޯލިޝަނުން އިންތިޒާރު ކުރަމުންދަނީ ރައީސް ޔާމިން މިނިވަން ވާނެ ދުވަހަކަށެވެ.
އިދިކޮޅު ކޯލިޝަނާއި ރައީސް ޔާމިންގެ ވަކީލުންގެ ޓީމުން ދަނީ އެމަނިކުފާނު މިނިވަން ކުރުމަށް މަސައްކަތްތަކެއް ކުރަމުންނެވެ.
Advertisement
This content is created and paid for by advertisers and does not involve Voice Journalists
