ރާއްޖެއާއި ސައުދީ އަރަބިއްޔާއާއި ގުޅިގެން ފަތުރުވެރިކަން ކުރިއެރުވުމަށް މަޝްވަރާކުރައްވައިފިއެވެ.
މި މަޝްވަރާތައް ކުރިއަށް ގެންގޮސްފައިވަނީ ޖަރުމަނުވިލާތުގެ ބަރލިންގައި ކުރިއަށްދިޔަ އިންޓަނޭޝަނަލް ޓޫރިޒަމް ބޯސޭ، އައިޓީބީ ފެއަރގެ ތެރެއިން، ސައުދީ އަރަބިއްޔާގެ ޓޫރިޒަމް މިނިސްޓަރ އަހްމަދު އަލް ޚަތީބުއާއެކު ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހް ބޭއްވެވި ބައްދަލުވުމެއްގައެވެ.
މިމަޝްވަރާ ބައްދަލުވުންތަކާއި ބެހޭގޮތުން ސައުދީ އަރައްބިއްޔާގެ ޓޫރިޒަމް މިނިސްޓަރ ކުރެއްވި ޓުވީޓެއްގައި ވިދާޅުވީ، ފެއާގެ ތެރެއިން ރައީސް ސާލިހްއާ ބައްދަލުކުރެއްވުމުގެ ފުރުސަތު ލިބިވަޑައިގަތުމުން އުފާކުރައްވާކަމަށެވެ.
އަދި ދެޤައުމުން ގުޅިގެން ތަރައްޤީގެ މަޝްރޫއުތަކާއި ދެމެހެއްޓެނިވި ގޮތެއްގައި ފަތުރުވެރިކަމުގެ ދާއިރާ ކުރިއެރުވުމަށް މަސައްކަތްކުރެވޭނެ ގޮތްތަކާއިމެދު އެމަނިކުފާނާއި އެކުގައި މަޝްވަރާކުރެއްވިކަމަށް ވެސް ސައުދީގެ ޓޫރިޒަމް މިނިސްޓަރު ވިދާޅުވި އެވެ.
އިންޓަނޭޝަނަލް ޓުއަރިޒަމް އެކްސްޗޭންޖް، އައިޓީބީއަކީ ދުނިޔޭގައި ބާއްވާ އެންމެ ބޮޑު ޓުއަރިޒަމް ފެއަރއެވެ. މިފެއަރގެ ތެރެއިން ރައީސް ޞާލިހު ވަނީ ސައުދީ އަރަބިއްޔާގެ ސްޓޭންޑަށްވެސް ޒިޔާރަތްކޮށްފައެވެ.
Advertisement
This content is created and paid for by advertisers and does not involve Voice Journalists
