15 އަހަރުން ދަށުގެ އިންޓަސްކޫލް ފުޓްބޯޅަ މުބާރާތުގެ ފައިނަލުގައި ކަލާފާނު 7-1 ގެ ނަތީޖާއަކުން ބަލިކޮށް މުބާރާތުގެ ޗެމްޕިއަންކަން އިސްކަންދަރު ސްކޫލުން ހޯދައިފި އެވެ.
ރޭ ގަލޮޅު ދަނޑުގައި ކުރިޔަށް ދިޔަ ފައިނަލް މެޗުގެ ފުރަތަމަ ހާފުގައި އިސްކަންދަރު ސުކޫލުން ހަތަރު ލަނޑުގެ ލީޑެއް ނެގިއިރު ދެވަނަ ހާގުގައި އެޓީމުން ވަނީ އިތުރު ތިން ލަނޑު ޖަހާފައެވެ.
ރޭގެ މެޗުގައި އިސްކަންދަރުން ޖެހި ހަތް ލަނޑުގެ ތެރެއިން ފަސް ލަނޑު ކާމިޔާބުކޮށްދިނީ މެޗުގެ މޮޅު ކުޅުންތެރިޔަކަށް ހޮވުނު މުހައްމަދު އިލާން އިމްރާން އެވެ. އެޓީމުގެ އަނެއް ދެ ގޯލު ޖެހީ މުހައްމަދު ލާމިހު އިމްތިޔާޒް އާއި ކާއިން އަބްދުލް ފާއިޒް އެވެ.
މި މެޗުގައި ކަލާފާނު ސްކޫލުން ޖެހި ހަމައެކަނި ލަނޑަކީ ދެވަނަ ހާފުގައި އެޓީމަށް ލިބުނު ޕެނަލްޓީއަކުން އަހުމަދު އަފްނާން އަލީ ކާމިޔާބުކޮށްދިން ލަނޑެކެވެ. މިއީ މި މުބާރާތުގައި އިސްކަންދަރު ކޮޅަށް ވަން ހަމައެކަނި ލަނޑެވެ.
ކުރީގައި ޑިފެންޑަރަކަށް ކުޅުނު ޔޫސުފް އަޒީމް (ޔޫއްޓޭ) ގެ ކޯޗުކަމުގެ ދަށުން މި މުބާރާތުގައި ވާދަކުރި އިސްކަންދަރު ސުކޫލް ކުޅުނު ހަ މެޗުން އެޓީމު މޮޅުވި އިރު އެޓީމު ވަނީ ޖުމްލަ 86 ލަނޑު ކާމިޔާބު
ކޮއްފައެވެ.
Advertisement
This content is created and paid for by advertisers and does not involve Voice Journalists
