ކްރިމިނަލް ކޯޓު ހިންގުން ވަގުތީ ގޮތުން، ގާޒީ އާދަމް މުހައްމަދާ ހަވާލުކޮށްފި އެވެ.
ޖޭއެސްސީން ބުނީ، ކްރިމިނަލް ކޯޓުގެ އިސްޤާޟީގެ މަޤާމުގައި ހުންނެވި އަލްއުސްތާޛު އަޙްމަދު ޝަކީލް 2023 މާރިޗު 13 ވަނަ ދުވަހުން ފެށިގެން ހައިކޯޓުގެ ފަނޑިޔާރުކަމުގެ މަޤާމުގެ ހުވާ ކުރެއްވުމާ ގުޅިގެން ކްރިމިނަލް ކޯޓު ވަގުތީގޮތުން ހިންގުން 13 މާރިޗު 2023 އިން ފެށިގެން އެކޯޓުގެ ޤާޟީ އަލްއުސްތާޛު އާދަމް މުޙައްމަދާ ހަވާލުކުރެވުފައިވާ ކަމަށެވެ.
އަދި މި ނިންމުން ނިންމާފައިވަނީ 2023 މާރިޗު 05 ވަނަ ދުވަހު ބޭއްވުނު އެ ކޮމިޝަނުގެ 19 ވަނަ ބައްދަލުވުމުގައި ކަމަށްވެސް ބުނެފައިވެއެވެ.
ކްރިމިނަލް ކޯޓުގެ އިތުރުން ގއ.ޖުޑީޝަލް ދާއިރާގެ އިސް މެޖިސްޓްރޭޓް ކަންވެސް ވަގުތީ ގޮތުން ގާޒީއަކާއި ވަނީ ހަވާލުކޮށްފައެވެ.
އެގޮތުން ގއ. ޖުޑީޝަލް ދާއިރާ ވަގުތީގޮތުން ހިންގުން ހަވާލުކޮށްފައޖވަނީ ގއ.ވިލިނގިލީ މެޖިސްޓްރޭޓް ކޯޓުގެ މެޖިސްޓްރޭޓް އަލްއުސްތާޛު އަޒީމް ޙަސަންއާއެވެ. އިއްޔެއިން ފެށިގެން އޭނާ އާއި ގއ ޖުޑީޝަލް ދާއިރާ ހަވާލު ކޮށްފައިވަނީ، ކުރިން އެ މަގާމުގައި ހުންނެވި، އިބްރާހީމް އިޙްސާން 2023 މާރިޗު 13 ވަނަ ދުވަހުން ފެށިގެން ކްރިމިނަލް ކޯޓުގެ ޤާޟީކަމުގެ ހުވާކުރެއްވުމާއި ގުޅިގެން ނެވެ.
އަޒީމް ޙަސަންއާ ގއ ޖުޑީޝަލް ދާއިރާ ހަވާލުކުރުމަށް ނިންމާފައިވަނީ 2023 ފެބްރުއަރީ 26 ވަނަ ދުވަހު ބޭއްވުނު ޖޭއެސްސީގެ 17 ވަނަ ބައްދަލުވުމުގައި ކަމަށް އެ ކޮމިޝަނުން ބުނެއެވެ.
Advertisement
This content is created and paid for by advertisers and does not involve Voice Journalists
