ލެގަސީ ފިޓްނަސް ޖިމަކީ ޢާޢިލާއެއްގެ ހުވަފެން ޙަޤީގަތަކަށް ހަދާ ޢާޢިލާގެ މައި ތަނބު، ބައްޕަ އަހުމަދު ރިޔާޒް ( ޓުރޭނާ ރިޔާ) ގެ މަސައްކަތް ދިރުވާ އާލާކުރުމާއި އެބޭފުޅާގެ "ލެގަސީ" ދެމެހެއްޓުމަށް ތިން ފިރިހެން ދަރިން ކުރި މިންނެތް މަސައްކަތުގެ ނަތީޖާ އެވެ. 

ލެގަސީ ފިޓްނަސްގެ އެންމެ ޚާއްޞަ ކަމަކީ މާޙައުލާގުޅޭ ޒަމާނީ މެޝިނަރީސް ގެ އެހީގައި ޖިމް ތަޖުރިބާކޮށްލުމުގެ ފުރުސަތު ލިބިގެން ދިއުމެވެ.

ލެގަސީ ފިޓްނަސްއިން ލިބެން ހުރި ޚިދުމަތްތަކަށް ބަލާއިރު ޕާސަނަލް ޓުރޭނިން، ރިހެބު ޓްރެއިނިނިން ގެ އިތުރުން ޖެނެރަލް ފިޓްނެސް ޕްރޮގްރާމުތައް ހިމެނިގެންދެއެވެ.

ލެގަސީ ޖިމްގެ ބައެއް އާލާތްތައް 

އޭގެ އިތުރުން ޕޯސްޓް ސާޖަރީ ރިހެބިލިޓޭޝަންއާއި، ސްޕޯޓްސް އިންޖަރީ މެނޭޖުމަންޓު އަދި ވެއިޓް ޓްރެއިނިން ލެޖަސީއިން ފޯރުކޮށްދެއެވެ. 

މި ޖިމްގައި މަސައްކަތްކުރާ ޓްރެއިނަރުންނަކީ ތަމްރީނާއި ތަޖުރިބާ ލިބިފައި ތިބި ޤާބިލް ބަޔަކަށް ވެފައި، ކަސްޓަމަރުންނާ ގުޅޭ ހިންހެޔޮ ހުނަރުވެރި ޓްރެއިނަރުންނަށް ވުމުން، ޖިމް ބޭނުންކުރާ ފަރާތްތަކާއި، ޖިމްގެ އެކި ޕްރޮގްރާމުތަކުގައި ބައިވެރިވާ ފަރާތްތަކަށް ފުރިހަމަ ޚިދުމަތްތަކެއް ފޯރުކޮށްދެވޭނެ އެވެ. އަދި ކަސްޓަމުންނަށް ހިތްހަމަ ޖެހިލައިގެން ޖިމް ބޭނުން ކުރުމުގެ މަގު ފަހިވެގެންދާނެ އެވެ. 

ކުރިއަށް އޮތީ ރޯދަމަސް ކަމަށްވުމުން ލެގަސީގެ މެމްބަޝިޕް ރޯދަމަހަށް ޚާއްސަ ޕެކޭޖެއް ވަނީ ހިމަނާފައެވެ. އެގޮތުން އެންމެ 800 ރުފިޔާ ދައްކާލައިގެން ރޯދަމަހާއި ދިމާކޮށް ލެގަސީގެ މެމްބަރަކަށް ވެވޭނެ އެވެ. 

ހުޅުމާލޭ "އަމީން އެވެނިއު" ގެ ދެ ފަންގިފިލާ ހިމެނޭނެހެން ހުޅުވާފައިވާ ލެގަސީ ފިޓްނަސްއަކީ ދުޅަހެޔޮކަންމަތީ ހުރުމަށް ޖިމްގެ ޚިދުމަތް ހޯދާ ފަރާތްތަކަށް ރަނުގެ ފުރުސަތަކަށް ވެގެންދާނެއެވެ.

މި ޖިމާއި ގުޅޭ އިތުރު މަޢުލޫމާތުތައް ހޯދާލުމަށް 7613079/ 7515118 ނަންބަރާއި ގުޅުއްވޭނެއެވެ. އަދި މި ނަންބަރުތަކަށް ވައިބާއިން މެސެޖެއް ފޮނުވާލައިގެން ވެސް މަޢުލޫމާތު ސާފުކޮށްލެވޭނެ އެވެ.