ރ ފުއްގިރި މައްސަލައިގައި ކުރީގެ ރައީސް އަބްދުالله ޔާމީން އަބްދުލްގައްޔޫމުގެ ފަރާތުން ހައިކޯޓަށް ހުށަހަޅާފައިވާ އިސްތިއުނާފު މައްސަލައިގެ އަޑުއެހުމެއް މާދަމާ ބޭއްވުމަށް ތާވަލްކޮށްފިއެވެ. 

ހައިކޯޓުގެ މީޑިއާ އޮފިޝަލް ވިދާޅުވީ، ރައީސް ޔާމީންގެ ފަރާތުން ހުށަހަޅުއްވާފައިވާ އިސްތިއުނާފު މައްސަލައެއް މާދަމާ ހައިކޯޓުގައި އޮންްނާނެ ކަމަށެވެ.

އަދި 10:30 ގައި އޮންނަ މި މައްސަލައިގެ އަޑުއެހުން ހައިކޯޓުގެ ޔޫޓިއުބް ޗެނަލުން ވަގުތުން ފޮނުވާނެކަމަށްވެސް އޭނާ ވިދާޅުވި އެވެ. 

Advertisement

ރައީސް ޔާމީންގެ ފަރާތުން ހައި ކޯޓުގައި އިސްތިއުނާފު ކޮށްފައިވާ މައްސަލައަކީ، ކްރިމިނަލް ކޯޓަށް ޝަރީއަތުގެ ކުރިން ހުށަހަޅާ ހުށަހެޅުންތަކުގެ ގޮތުގައި ޔާމީން ހުށަހެޅުއްވި ގިނަ ހުށަހެޅުންތަކެއް ބަލައިނުގަތުމަށް އެ ކޯޓުގައި މައްސަލަ ބައްލަވާ ގާޒީ އަލީ ނަދީމް ނިންމެވި ނިންމުން ބަދަލުކޮށްދިނުމަށް އެދި ހުށަހެޅި މައްސަލައެކެވެ.

ރައީސް ޔާމީންގެ ފަރާތްޕުޅުން ހައިކޯޓަށް ހުށައަޅާފައިވާ އިތުރު މައްސަލައެއްގެ އިސްތިއުނާފުވެސް މި ހަފްތާ ކުރިއަށް ގެންދިއުމަށް ވަނީ ނިންމާފައެވެ. އެހެން ނަމަވެސް އެމަނިކުފާނު ފަރާތްޕުޅުން އިސްތިއުނާފުކޮށްފައިވާ ވ އާރަށު މައްސަލަ ބަލައިގަތުމާމެދު ކޯޓުން އަދި ވަކިގޮތެއް ކަނޑައަޅާފައެއް ނުވެއެވެ.