ޔުއެފާ ޗެމްޕިއަންސްލީގުގެ ކުއާޓަރ ފައިނަލްގެ ދެވަނަ ލެގުގައި 2-0 ގެ ނަތީޖާއަކުން ޗެލްސީ ބަލިކޮށް އެންމެ ފަހުގެ ޗެމްޕިއަން ރެއާލް މެޑްރިޑުން މުބާރާތުގެ ސެމީ ފައިނަލުގެ ޖާގައެއް ކަށަވަރުކޮށްފިއެވެ.

ރެއާލްގެ ދަނޑުގައި ކުޅުނު ފުރަތަަމަ ލެގު 2-0 ގެ ނަތީޖާއަކުން އެޓީމު މޮޅުވެފައިވަނިކޮށް، މިރޭގެ ނަތީޖާއާއެކު އެޓީމަށް ސެމީގެ ފުރުސަތު ލިބުނީ 4-0 ގެ އެގްރިގޭޓު ނަތީޖާއަކުން ނެވެ.

މިރޭގެ މެޗުގެ ފުރަތަަމަ ހާފުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ ނަމަވެސް މިހާފުގައި ދެޓީމުންކުރެ އެއްވެސް ޓީމަކަށް ލަނޑެއް ކާމިޔާބު ކުރެވޭގޮތެއް ނުވިއެވެ.

Advertisement

ފުރަތަަމަ ހާފުގެ 11 ވަނަ މިނެޓުގައި ޗެލްސީގެ މިޑްފީލްޑަރު ކާންޓޭއަށް ރެއާލްގެ ޕެނަލްޓީ އޭރިއާ ތެެރެއިން މުޅިން ހުސްކޮށް ލިބުނު ފުރުސަތެއްގައި އޭނާ ފޮނުވާލި ބޯޅަ ގޯލާއި އަމާޒުނުވެ ދިޔައީ ބޭރަށެވެ. މިހާފުގައި ރެއާލުން އެންމެ ހުސް ފުރުސަތެއް ލިބުނީ އެޓީމުގެ ބްރެޒިލް ފޯވާޑް ވިނީޝިއަސް އަށެވެ. ފުރަތަަމަ ހާފުގެ 42 ވަނަ މިނެޓުގައި ރެއާލުގެ މިޑްފީލްޑަރު މޮޑްރިޗް ޗެލްސީގެ ގޯލު ކުރިމައްޗަށް ހުރަސްކޮށްދިން ބޯޅައެއް މުޅިން ހުސްކޮށް ހުރެ ވިނީޝިއަސް ފޮނުވާލަން މަސައްކަތް ކުރި ނަމަވެސް އެބޯޅަ އޭނާގެ ފައިގައި ރަގަޅަށް ލައްވާލާ ގޮތެއްނުވިއެވެ.

މި މެޗުގައި ރެއާލްގެ ފުރަތަަމަ ލަނޑު ދެވަނަ ހާފުގެ 58 ވަނަ މިނެޓުގައި ކާމިޔާބުކޮށްދިނީ ބްރެޒިލްގެ ފޯވާޑް ރޮޑްރިގޯ އެވެ. މިއީ ވިނީޝިއަސް މުޅިން ހުސްކޮށްލާފައި ޖައްސާލި ބޯޅަ އެއް ޗެލްސީގެ ޕެނަލްޓީ އޭރިއާ ތެރޭގައި މުޅިން ހުސްކޮށް ހުރެ ގޯލުގެ ތެރެއަށް ފޮނުވާލައިގެން އޭނާ ކާމިޔާބުކޮށްދިން ލަނޑެކެވެ.

ރެއާލްގެ ލަނޑަށްފަހު ޗެލްސީ އިން ކުރިއައް ޖެހި ލަނޑެއް ޖެހޭތޯ މަސައްކަތް ކުރަމުން ދަނިކޮށް ރެއާލްގެ ލީޑު ފުޅާކޮށްދިނީ ވެސް ރޮޑްރިގޯ އެވެ. މިއީ ދެވަަނަ ހާފުގެ 80 ވަނަ މިނެޓުގައި ރެއާލުގެ އުރުގުއާއީ މިޑްފީލްޑަރު ފެޑްރިކޯ ވަލްވެޑޭ ޗެލްސީގެ ދެ ކުޅުންތެރިން ކައިރިން ނައްޓާލުމަށް ފަހު މުޅިން ހުސްކޮށްލާފައި ޖައްސާލި ބޯޅައެއް ގޯލުގެ ތެރެއަށް ފޮނުވާލައިގެން އޭނާ ކާމިޔާބުކޮށްދިން ލަނޑެކެވެ.

މިރޭގެ މެޗަކީ ޗެލްސީގެ ކޯޗުކަމާއި ލަމްޕާޑް ދެވަަނަ ފަހަރަށް ހަވާލުވި ފަހުން އެޓީމު ކުޅުނު އަދި ބަލިވި 4 ވަނަ މެޗުވެސް މެއެވެ.

ސެމީ ފައިނަލުގައި ރެއާލް މެޑްރިޑް ވާދަކުރަންޖެހެނީ މާދަމާ ރޭ މެންޗެސްޓާ ސިޓީ އާއި ބަޔާން މިއުނިކް ވާދަކުރާ މެޗުން މޮޅުވާ ޓީމަކާއި ދެކޮޅަށެވެ. ސިޓީގެ ދަނޑުގައި ކުޅުނު ފުރަތަަމަ ލެގު 3-0 ގެ ނަތީޖާއަކުން