ދޫނި ފިހާރަ ޑާޓް ޓޯނަމަންޓް 2023 ގެ ފައިނަލުގައި ހަސަން ނަސީހް ބަލިކޮށް މުބާރާތުގެ ޗެމްޕިއަންކަން މުހައްމަދު އާދަމް ހޯދައިފި އެވެ.
ވޮއިސް އަށް މައުލޫމާތު ދެމުން ދޫނި ފިހާރަގެ ވެރިޔާ އާދަމް ވިދާޅުވީ، 2023 އެޕްރިލް 11-21 އަށް ކުރިއަށް ގެންދިޔަ މި މުބާރާތުގައި ޖުމްލަ 25 ކުޅުންތެރިއަކު ބައިވެރިވި އިރު އޭގެ ތެރޭގައި ރާއްޖޭގެ ގައުމީ މުބާރާތުގައި ވާދަކޮށް ޗެމްޕިއަންކަން ހޯދާފައިވާ ކުޅުންތެރިންވެސް ހިމެނެއެވެ.
ދޫނި ފިހާރަ އިން މިފަދަ މުބާރާތެއް ބޭއްވުމުގެ އެންމެ ބޮޑު މަގުސަދަކީ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކޮށް މި ކުޅިވަރު އިތުރަށް ކުރިއެރުވުން އެގޮތުން ކުރިއަށް އޮތްތާގައި ކޮންމެ އަހަރަކުވެސް ރޯދަމަހު މި މުބާރާތް ބޭއްވުމަށް ވިސްނަމުން މިދަނީ ދޫނި ފިހާރައިގެ ވެރިޔާ އާދަމް ވިދާޅުވި އެވެ.
2024 ވަނަ އަހަރު އަޅުގަނޑުމެން ވިސްނާފައި މިއޮތީ މުޅި މާލެއަށް ހުޅުވާލައިގެން މި އަހަރަށްވުރެ ފޯރިގަދަކޮށް މި މުބާރާތް ކުރިއަށް ގެންދިއުމަށް، އަދި ހުރިހާ އުމުރެއްގެ ކުދި ބޮޑު އެންމެނަށް ބައިވެރިވެވޭ ގޮތައް މުބާރާތް ކުރިއަށް ދާނީ އާދަމް ވިދާޅުވި އެވެ.
މި އަހަރުގެ މުބާރާތުގެ ޗެމްޕިއަންކަން މުހައްމަދު އާދަމް ހޯދި އިރު ދެވަނަ ލިބުނީ ހަސަން ނަސީހުއަށެވެ. އަދި މުބާރާތުގެ ތިންވަނަ ލިބުނީ އަލީ އަޒީމަށެވެ.
Advertisement
This content is created and paid for by advertisers and does not involve Voice Journalists
