ފިޠުރު އީދުގެ މުނާސަބަތުގައި އައްޑޫ ސިޓީގައި ކުރިއަށްދާ ސަދަން ސްޕޯޓްސް އަންހެން ވޮލީބޯޅަ މުބާރާތުގެ ތިން ވަނަ މެޗް ޓީމް ވޯރިއަރސް އިން ކާމިޔާބު ކޮށްފިއެވެ.
އާދީއްތަ ދުވަހުގެ ރޭ ކުޅުނު މިމެޗު ޓީމް ވޯރިއަރސް އިން ކާމިޔާބު ކުރީ ސީދާ 0-3 ސެޓުންނެވެ.
ޓީމް ވޯރިއަރސް މެޗު ކާމިޔާބު ކުރީ ޓީމް ޕުޝްޕާއާއި ދެކޮޅަށް ކުޅެގެންނެވެ. މީ ޓީމް ޕުޝްޕާގެ ދެވަނަ ނާކާމިޔާބީއެވެ. ޓީމް ޕުޝްޕާ ވަނީ ފުރަތަމަ މެޗުންވެސް ޓީމް މީދޫ އާއި ކުޅެގެން 3-2 ސެޓުން ބަލިވެފައެވެ.
މެޗުގެ މޮޅު ކުޅުންތެރިޔާ އައިޝަތު ޝީނާ
މި މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޓީމް ވޯރިއަރސްގެ ޖާރޒީ ނަންބަރ 6، އައިޝަތު ޝީނާ އެވެ.
މި މުބާރާތުގެ 4 ވަނަ މެޗުގައި ކުޅޭނީ މީދޫ ވޮލީ ޓީމާއި ޓީމް އައިވީ އެވެ. މެޗު ކުޅުމަށް ހަމަޖެހިފައިވަނީ މިރޭ 08:30 ގައެވެ.
Advertisement
This content is created and paid for by advertisers and does not involve Voice Journalists
