ސަފާރީ މައްސަލަ ހޫނުވެ އެސްއޯ ފުލުހުން އުކުޅަހަށް! ރައްޔިތުން ކައުންސިލް ބަންދުކޮށްފި!
އއ. އުކުޅަހު ބަނދަރުގައި އޮތް ރާ ވިއްކާ ކަމަށް ތުހުމަތު ކުރެވޭ ސަފާރީ ބަނދަރުން ނުނެރޭތީ އެ ރަށުން ރައްޔިތުން ނުކުމެ ކައުންސިލްގެ ދޮރު ބަންދު ކޮށްފިއެވެ.
އުކުޅަހުން "ވޮއިސް" އަށް މައުލޫމާތު ދެއްވި ފަރާތެއް ވިދާޅުވީ, ސަފާރީ ބަނދަރުން ނުނެރޭތީ އެ ރަށު ރައްޔިތުން ވަނީ ކައުންސިލްގެ ދޮރުމަތީގައި ޑިންގީއެއް ބާއްވައި ކައުންސިލަށް ވަންނަ ދޮރު ބަންދުކޮށްފައެވެ. އެގޮތުން، ކައުންސިލް ދޮރުމަތީގައި ބާއްވާފައި އޮތް ޑިންގީގެ ފޮޓޯއެއް ވޮއިސް އަށް ލިބިފައިވާއިރު އެ ޑިންގީގައި ބޮޑުކޮށް "ރ ސަފާރީ" ލިޔެ، ހުސްފުޅިތަކެއްވެސް ބަހައްޓާފައި ހުއްޓެވެ.
އުކުޅަހު ނެރު ބަންދު ކޮށްފައި
އަދި މީގެ އިތުރުން، ރެއިން ފެށިގެން ރައްޔިތުން ވަނީ އެ ރަށުގެ ނެރުވެސް ބަންދު ކޮށްފައި ކަމަށް ވޮއިސްއަށް މައުލޫމާތު ދެއްވާފައިވާއިރު، ފޮޓޯ ތަކުން ފެންނަ ގޮތުން، ނެރުން ބޭރަށް އަދި އެތެރެ އަށް އެއްވެސް އުޅަނދަކަށް ވަދެ ނުކުމެ ނުހެދޭނެ ގޮތަށް ވަނީ ޑިންގީ އާއި ދޯނިތައް އެތަނުގައި އަޅާފައެވެ.
އުކުޅަހު ނެރު ބަންދު ކޮށްފައި
އެ މައްސަލާގައި މިއަދުގެ ވަގުތެއްގައި އެސްއޯ ފުލުހުންވެސް އުކުޅަހަށް ގޮސްފައިވާއިރު އެ ކަމާއި ގުޅިގެން "ވޮއިސް" އިން ފުލުހުންނާއި ކުރި ސުވާލަށް އަދި ޖަވާބު ލިބޭ ގޮތެއް ނުވެއެވެ.
ނަމަވެސް އުކުޅަހުން ވޮއިސް އަށް މައުލޫމާތު ދެއްވި ފަރާތެއް ވިދާޅުވީ، އެސްއޯ ފުލުހުން އެ ރަށަށް ގޮސްފައިވަނީ ރަށުގެ ނެރު ބަންދު ކުރި މައްސަލަ އާއި ގުޅިގެން ކަމަށެވެ.
އެސްއޯ ފުލުހުން އުކުޅަހުގައި ހަރަކާތްތެރިވަނި
މި މައްސަލާގެ ކަންކަމާއި ގުޅޭ އަދާހަމަ ދެއްވަމުން އެ ރަށު ރައްޔިތަކު ވިދާޅުވީ، އެ "ޒެޑް ކުރޫޒާ" ނަމަކަށް ކިޔާ އެ ސަފާރީ ބަނދަރުން ނެރުމުގެ ކޯޓު އަމުރެއް ނެރެދިނުމަށް އެދި މިހާރު އުކުޅަހު މެޖިސްޓްރޭޓް ކޯޓަށް މައްސަލަ ހުށަހަޅާފައިވާ ކަމަށެވެ. އެހެން ނަމަވެސް، އެއީ މަދަނީ މައްސަލައަކަށް ވުމާއި އެކު، މައްސަލައިގެ ހައްލެއް އެންމެ އަވަހަށްވެސް ލިބެން އޮތީ މި މަހު 14 ގެ ފަހުން ކަމަށް ކޯޓުން މައުލޫމާތު ދެއްވާ ކަމަށް އެފަރާތުން ވިދާޅުވެފައިވެއެވެ.
އެސްއޯ ފުލުހުން އުކުޅަހުގައި ހަރަކާތްތެރިވަނި
"އަޅުގަނޑުމެންގެ އެންމެ ބޮޑު ކަންބޮޑުވުމަކީ އެ ސަފާރީ އެތަނުގައި އޮތުން. ކައުންސިލުން ހުއްދަ ނުދޭއިރު އެތަނުގައި އެ އޮވެގެން ނުވާނެ. އެކަމަކު ދެން ކުރެވޭނެ މާބޮޑު ކަމެއްވެސް ނެތް. ކައުންސިލުން އެބަ ބުނޭ ގަވާއިދާ ޚިލާފަށޭ. ހުއްދައެއް ނުދެމޭ. އެހެންވީމާ ނެރެވެން ޖެހޭނެ ކަމަށް ގަބޫލު ކުރެވެނީ. އެކަމަކު އެ އޮތީ. ދެން މައްސަލަ ކޯޓަށް ލާފަ އެ އޮތީ. މަދަނީ މައްސަލައެއް ވީމާ ދެ ފަރާތަށް ވެސް ބަލަން ޖެހޭ ކަމަށް ކޯޓުން ބުނީ. ރައްޔިތުން ވަރަށް ކަންބޮޑުވޭ މިކަމުގައި."
މަރާމާތަށް އުކުޅަހު ބަނދަރުގައި ބާއްވާފައިވާ "ޒެޑް ކުރޫޒާ" ސަފާރީ؛ މި ސަފާރީން ރާ ވިއްކާ ކަމަށް ރައްޔިތުން ތުހުމަތު ކުރޭ
އެ މައްސަލާގައި މީގެ ކުރިން ވޮއިސްއަށް މައުލޫމާތު ދެއްވަމުން އުކުޅަހު ކައުންސިލްގެ ރައީސް ޝައުކަތު އިބްރާހިމް ވިދާޅުވީ، އެ ސަފާރީ އެރަށުގެ ބަނދަރުގައި ބޭއްވުމުގެ ހުއްދައަށްއެދި އެ ރަށު ކައުންސިލަށް ސަފާރީގެ ފަރާތުން އެދިފައިވަނީ މިމަހު 2 ވަނަ ދުވަހުގެ ރޭގެ ވަގުތެއްގައި ކަމަށެވެ. އަދި އެކަމާއި ގުޅިގެން، ކައުންސިލުން ސަފާރީއަށް ހުއްދަ ނުދެނިސް އެ ސަފާރީ ބަނދަރަށް ވައްދާފައިވާ ކަމަށާ، މިހާރުވެސް ސަފާރީ ބަނދަރުގައި އޮތީ ކައުންސިލްގެ ހުއްދަ ނެތި ކަމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
