މަޖީދީ މަގުގައި ހަތަރު މީހުން އަރައިގެން ސައިކަލެއް ދުއްވި މައްސަލާގައި، ސައިކަލު ދުއްވަން އިން މީހާއަށް ފިޔަވަޅު އަޅައިފި އެވެ. 

ފިރިހެނަކު ކުޑަ ދެ ކުދިންނާއި އަންހެނަކު ސައިކަލަށް އަރުވައިގެން މަޖީދީމަގުގައި ސައިކަލުގައި ދާތަން ފެންނަ ވީޑިއޯ އެއް މިއަދު މީސްމީޑިއާގައި ވަނީ ދައުރުވެފައެވެ. 

އެކަމާއި ގުޅިގެން ގިނަ ބައެއްގެ ފާޑުކިޔުންތައް ފުލުހުންނަށް އަމާޒުވެފައިވާއިރު، އެފަދަ ކަންކަމަކީ މިހާރު އާއްމު ކަމެއް ކަމަށާ، އެކަން ކަމަށް ފުލުހުން ފިޔަވަޅު ނާޅާ ކަމަށްވެސް  އެއްބަޔަކު ވަނީ ބުނެފައެވެ. 

އެ މައްސަލާގައި ފުލުހުންގެ މީޑިއާ އޮފިޝަލް ވިދާޅުވީ އެމީހުން ހުއްޓުވައި، ސައިކަލު ދުއްވަން އިން މީހާ ޓްރެފިކް ގަވާއިދުގެ ދަށުން ޖޫރިމަނާކޮށްފައިވާ ކަމަށެވެ.