ބޮޑެތި އާބާދީތަކުގައި ބާއްވާ ބައި އިލެކްޝަން ތަކުން ނާކާމިޔާބު ވުމުން އެމްޑީޕީީން ބުނަމުން އައީ ކުދި ރަށްރަށުގައި އެ ޕާޓީއަށް ވަރަށް ތާއީދު ބޮޑުވާނެ ކަމަށާ، އެހެންނަމަވެސް ކުދި އާބާދީ ތަކުން ވެސް އެ ޕަޓީއަށް ތާއީދެއް ނުލިބޭ ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުހައްމަދު ވަހީދު (ވައްޑެ) ވިދާޅުވެއްޖެއެވެ. 

އިއްޔެ ބޭއްވި ބައި-އިލެކްޝަން ތަކުގައި، ޕީޕީއެމަށް 5 ގޮނޑި ލިބިފައިވާއިރު އެންޑީޕީއަށް ލިބިފައިވަނީ އެންމެ ދެ ގޮނޑިއެވެ. 

އެކަމާއި ގުޅިގެން ވައްޑެ ކުރެއްވި ޓުވީޓެއްގައި ވަނީ އަންނަ ރިޔާސީ އިންތިހާބުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ބޮޑުތަނުން ބަލިވާނެ ކަމަށް ވިދާޅުވެފައެވެ. 

އިއްޔެގެ ބައި އިލެކްޝަންގެ ވޯޓު ލާފައި ވަނީ ލ. މާމެންދޫ، އއ. ފެރިދޫ، ހދ. ފިނޭ، މ. ވޭވަށް، ރ. އަނގޮޅިތީމު، ކ. ދިއްފުށި، ތ. ގާދިއްފުށި، ގދ. ހޯޑެއްދޫ އަންހެނުންގެ ތަރައްގީއަސް މަސައްކަތް ކުރާ ކޮމިޓީގެ މެމްބަރުން ހޮވުމަށެވެ.

އޭގެ ތެރެއިން މާމެންދޫ، ފިނޭ، ވޭވަށް، ދިއްފުށި އަދި ހޯޑެއްދޫގެ ގޮނޑި ކާމިޔާބު ކޮށްފައި ވަނީ ޕީޕީއެމްގެ ފަރާތުން ކުރިމަތިލި ކެނޑިޑޭޓުންނެވެ.

1. ސާނާ އަހުމަދު / އެމްޑީޕީ – 244

2. ވަސީމާ މުޙައްމަދު / ޕީޕީއެމް – 205

1. މުއުމިނާ އިބްރާހިމް / އެމްޑީޕީ – 133

2.. ޒުހުދާ މުހައްމަދު / ޕީޕީއެމް – 147

1. ޚަދީޖާ ހުސެއިން މަނިކު / ޕީޕީއެމް – 82

2. ޢާސިމާ ރަޝީދު / އަމިއްލަގޮތުން – 95

1. ޢައިޝަތު ސާހިރާ / ޕީޕީއެމް – 181

2. ފާތިމަތު ޢަރުޝީ / އަމިއްލަގޮތުން – 174

1. ދުންޔާ ޚާލިދު / އެމްޑީޕީ – 101

2. ޝިފާޒާ އިބްރާހިމް / ޕީޕީއެމް – 113

1. މަރިޔަމް ޙަސަން / އެމްޑީޕީ – 234

2. ނިހާމާ ޢަބްދުﷲ / ޕީޕީއެމް – 158

1. ސަޢުދިއްޔާ ޙުސެއިން / ޕީޕީއެމް – 224

2. ނާޒިމާ ޢަބްދުއްސަމަދު / އެމްޑީޕީ – 202

1. ނަޒުރާނާ ހުސެއިން މަނިކު / ޕީޕީއެމް – 204

2. ލިޒުނާ ނަސީރު / އެމްޑީޕީ – 86

3. މައިމޫނަތު ޝަރީފް / އަމިއްލަގޮތުން – 76