ބޮޑު އީދުގެ ކުރިން މި ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން ދޫކުރާ ގޯއްޗާއި ފްލެޓު ލިބޭ ފަރާތްތަކުގެ ލިސްޓު އާންމު ނުކުރެވޭނެކަން ހާމަވެއްޖެ އެވެ.
ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސް އޮފީހުގެ ތަރުޖަމާނު މިއުވާން މުޙައްމަދު ވިދާޅުވީ ސަރުކާރުގެ ބޯހިޔާވަހިކަމުގެ މަޝްރޫއުތަކުގެ ތެރެއިން ދޫކުރުމަށް ހަމަޖެހިފައިވާ މީހުންގެ ލިސްޓު އަންނަ ހަފްތާގައި ހާމަކުރުމަށް މަސައްކަތް ކުރަމުން އަންނަ ކަމަށެވެ.
"މާލެ ސަރަހައްދުން ގޯއްޗާއި ފްލެޓު ލިބޭ މީހުންގެ ލިސްޓު އެކުލަވާލުމުގެ މަސައްކަތް މިހާރު މިވަނީ އެއްގޮތް ކަހަލަ ގޮތަކަށް ނިމިފަ. އެކަމާއި މަޝްވަރާކުރުމަށް، ޚާއްސަ ބައްދަލުވުމެއް މިއަދު އޮންނާނެ. އަދި މި މަސް ނިމުމުގެ ކުރިން ލިސްޓު ހާމަކުރައްވާނެ"
ރައީސް އޮފީހުގެ ތަރުޖަމާނު މިއުވާނު
ސަރުކާރުގެ ބޯހިޔާވަހިކަމުގެ ސިޔާސަތުގެ ތެރެއިން މާލެ ސަރަހައްދުން ގޯއްޗަށާއި ފްލެޓަށް ހުޅުވާލި ފުރުސަތުގައި ތިބުނު ތަރުހީބުން ބޯހިޔާވަހިކަމުގެ މައްސަލަ އަކީ ރައްޔިތުންނަށް ކިހާ ބޮޑު މައްސަލައެއް ކަމަށާއި، ބޯހިޔާވަހިކަމަށް ބޭނުންޖެހިފައި އޮތް މިންވަރު ވަރަށް ރަނގަޅަށް ވަޒަން ކުރެވިގެން ގޮސްފައިވާކަމަށް މިއުވާން ވިދާޅުވި އެވެ.
އޭނާ އިތުރަށް ވިދާޅުވީ ސަރުކާރުން ހުޅުވާލި ފުރުސަތުގައި ގޯއްޗާއި ފްލެޓު ދިނުމުގައި ސަރުކާރުން ބަލާނީ، އެންމެ ބޮޑަށް ބޭނުންޖެހިފައިވާ ފަރާތްތަކަށް އެ ހައްގު ކަށަވަރުކޮށްދިނުމަށް ކަމަށެވެ.
އަދި ވަކި ބޭފުޅަކު ދޭ ލިސްޓަކަށް ފްލެޓާއި ގޯޓި ދޫނުކުރާނެކަމުގެ ޔަގީންކަން ވެސް ދެއްވާކަމަށް މިއުވާނު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
