އެމްޑީޕީގެ މެނިފެސްޓޯގައި ހުރި ސިޔާސަތުތަކުގެ ތެރެއިން އެންމެ ބޮޑަށް ތަންފީޒު ކުރެވުނީ ބޯހިޔާވަހިކަމުގެ ސިޔާސަތުކަމަށް ރައްޔިތުންގެ މަޖިލީހުގެ ހުޅުމާލޭ ދާއިރާގެ މެމްބަރު އަލީ ނިޔާޒު ވިދާޅުވެއްޖެ އެވެ. 

އަލީ ނިޔާޒު މިފަދައިން ވިދާޅުވެފައިވަނީ މާލޭ މީހުންނަށް 5000 ގޯތި ދޫނުކުރުމުގެ ޕްރޮގްރާމުގެ ތެރެއިން ގޯތި ލިބޭ ފަރާތްތައް އިއުލާނުކޮރުމާއި ގުޅިގެން ކުރެއްވި ޓްވީޓެއްގަ އެވެ. 

ނިޔާޒު ވިދާޅުވީ ބޯހިޔާވަހިކަމަކީ އެމްޑީޕީގެ ކޮންމެ ސަރުކާރެއްގައި ވެސް އެންމެ އިސްކަމެއްދޭ ސިޔާސަތު ކަމަށެވެ. އެގޮތުން އެމްޑީޕީގެ ދެ ވެރިކަމުގައި ވެސް ބޯހިޔާވަހިކަމުގެ ސިޔާސަތުތައް ތަންފީޒުކޮށް ނަތީޖާ ނެރެދީފައިވާކަމަށް ނިޔާޒު ވިދާޅުވި އެވެ. 

Advertisement

މި ކަންކަން ފާހަގަކުރައްވާ ނިޔާޒު ވިދާޅުވީ ބޯހިޔާވަހިކަމުގެ މައްސަލަ ޙައްލުކުރުމަށް އެމްޑީޕީ ސަރުކާރުތަކުން ކޮށްފައިވާ މަސައްކަތްތަކަށް އެކަނި ބަލާލި ނަމަވެސް ކުރިއަށް އޮތްތަނުގައި އެމްޑީޕީ ސަރުކާރެއް އޮތުން މުހިންމުކަމަށެވެ. 

ބިންވެރިޔާ ސްކީމުގެ ދަށުން 10000އަށް ވުރެ ގިނަ މީހުންނަށް ގޯތި ދޫކުރުމަށް ނިންމާފައިވާއިރު، އެ ސްކީމުގައި ބައިވެރިވި ފަރާތްތަކުގެ ތެރެއިން ޝަރުތުހަމަވާ ހުރިހާ ފަރާތްތަކަށް ގޯތި ދޭނެކަމަށް ސަރުކާރުން ވަނީ ބުނެފައެވެ. 

ބޯހިޔާވަހިކަމުގެ މައްސަލަ ޙައްލުކުރުމަށް މި ސަރުކާރުން ކާމިޔާބު މަސައްކަތްތަކެއް ކޮށްފައިވާކަން ވެސް ސަރުކާރު ފަޅީގެ މެމްބަރުން ގެންދަނީ ފާހަގަކުރައްވަމުން ނެވެ.