އއ މާޅޮހުގައި އަރިދަފުސް ރޯގާ ފެތުރި ސިއްހީ މަރުކަޒުގެ އެނދުތައް ފުރިއްޖެއެވެ.

މިކަމާއި ގުޅިގެން އެރަށުގެ ހެލްތް ސެންޓަރުގެ ބޭފުޅަކު 'ވޮއިސް' އަށް މައުލޫމާތު ދެއްވަމުން ވިދާޅުވީ އެރަށުގައި ކުރިން ވެސް ކޮންމެސް ވަރަކަށް ރޯގާ އުޅުނު ނަމަވެސް ރޯގާ އިތުރަށް ފެތުރެން ފެށީ އީދު ބަންދަށް ފަހުގައި ކަމަށެވެ.

އެގޮތުން މިހާރު އެރަށުގައި ބަލިނުވާ އެއްވެސް ގެއެއް ނުހުންނާނެ ކަމަށާއި ކޮންމެ ގެއަކުންވެސް މަދުވެގެން އެއް މީހަކު ދެމީހަކު ބަލިވެފައިވާ ކަމަށް އޭނާ ވިދާޅުވިއެވެ.

Advertisement

މިކަން ހައްލުކުރުމަށް ހެލްތް ސެންޓަރުން އަންނަނީީ ބޭރަށް ނުނިކުތުމަށާއި މާސްކް އަޅައިގެން އުޅުމަށް އިލްތިމާސް ކުރަމުން ކަމަށް އޭނާ ވިދާޅުވިއެވެ.

މިއަހަރުގެ އީދު ބަންދާއި އަހަރީ ބޮޑު ޗުއްޓީ ފެށުމާއި ގުޅިގެން ރާއްޖެތެރޭގެ ރަށްރަށާއި ރާއްޖެއިން ބޭރަށް ދަތުރުކުރާ މީހުންގެ އަދަދު ވަނީ އިތުރު ވެފައެވެ.

މިއާއިއެކު ހުޅަނގު މޫސުމުގެ ވިއްސާރައިގެ ސަބަބުން އަރިދަފުސް ރޯގާގެ އިތުރުން ޑެންގޫހުން ވެސް ދަނީ ފެތުރެމުންނެވެ.