އަޟްހާ އީދު ބަންދާ ގުޅުވައިގެން އުރީދޫއިން ތައާރަފްކުރި ހާއްސަ ޕްރޮމޯޝަންގެ ތެރެއިން އުރީދޫ ހޯމްބްރޯޑްބޭންޑް، ސުޕަރނެޓް، ފަސޭހަ އަދި އެއަރފައިބަރ ގެ ހިދުމަތްތައް ބޭނުންކުރައްވާ ކަސްޓަމަރުންނާއި އަލަށް ޙިދުމަތްނަންގަވާ ފަރާތްތަކަށް ހާއްސަ ހަދިޔާތަކެއް ހޯދުމުގެ ފުރުސަތު ހުޅުވާލައިފިއެވެ.

އެގޮތުން އުރީދޫއިން ނެރުން ނޫސް ބަޔާނެއްގައި ބުނެފައިވަނީ މިމަހުގެ 31 ގެ ކުރިން އާ ސުޕަރނެޓް ކަނެކްޝަނެއް، ފަސޭހަ ހޯމް ބްރޯޑްބޭންޑް ނުވަތަ ފަސޭހާ ޕްލަސް ގެ އިތުރުން 5ޖީ އެއަރފައިބަރ އެކްޓިވޭޓް ކުރާ ކަސްޓަމަރުންނަށް އެޕަލްގެ އެންމެ ފަހުގެ ފޯނު ކަމަށްވާ އައިފޯން 14 ހޯދުމުގެ ފުރުސަތު ލިބިގެންދާނެ ކަމަށެވެ. 

މިއާއިއެކު ސުޕަނެޓް ޕްލޭން އަޕްގްރޭޑް ކުރައްވާ ފަރާތްތަކުގެ ތެރެއިން ނަސީބުވެރި ތިން ފަރާތަކަށްވެސް ހާއްސަ އިނާމުތަކެއް ލިބިގެންދާނެ ކަމަށް ވެސް އުރީދޫއިން ވަނީ ބުނެފައެވެ.

މީގެ ތެރޭގައި ސެމްސަންގް ގެލެކްސީ ޒެޑް ފޯލްޑް، ވާވޭ ވޮޗް ބަޑްސް އަދި ސެމްސަންގް ގެލެކްސީ ބަޑްސް 2 ގްރެފައިޓް ފަދަ އަގުހުރި އިނާމުތަކެއް ހިމެނެއެވެ.

މި ނަސީބުވެރިފަރާތްތައް ހޮވާނީ ޕްރޯމޯޝަނަށް ފަހު އަންނަ މަހުގައި ކަމަށް އުރީދޫއިން ވަނީ މައުލޫމާތު ދީފައެވެ.

ފެންވަރު ރަނގަޅު އަދި އަގުހެޔޮ ޚިދުމަތްތަކެއް ކަސްޓަމަރުންނަށް ފޯރުކޮށްދިނުމަށް އުރީދޫ އިން ކުރާ މަސައްކަތުގެ ތެރެއިން، އުރީދޫ ސުޕަރނެޓް ޕެކޭޖްތަކަށް ބޮޑެތި ބަދަލުތަކެއް ގެނެސް އަޕްގްރޭޑްކޮށްފައި ކަމަށް އެ ކުންފުނިން ވަނީ ފާހަގަކޮށްފައެވެ.

އެގޮތުން މި ބަދަލުގެ ދަށުން ސުޕަރނެޓް ކަސްޓަމަރުންނަށް 5 ގުނަ އިތުރު ސްޕީޑާއެކު %100 އާއި ހަމައަށް އިތުރު ޑޭޓާ އަދި ކުރިއަށްވުރެ ހަލުވި ތްރޮޓްލް އިންޓަނެޓް ސްޕީޑްވެސް ކަސްޓަމަރުންނަށް ލިބިގެންދެއެވެ.

މިއާއިއެކު ސުޕަރނެޓް ގެންގުޅުއްވާ ހުރިހާ ކަސްޓަމަރުންނަށްވެސް ޑޭޓާ ރޯލް އޯވަރގެ ޙިދުމަތާއެކު މަސް ނިމޭއިރު ބާކީ ހުންނަ ޑޭޓާ އަނެއް މަހުގެ ޕެކޭޖް އިންކްލޫސިވް ޑޭޓާ އަށް އިތުރުވެގެންދާނެއެވެ.

ސުޕަރނެޓްގެ އިތުރުން އުރީދޫ ފަސޭހަ ޕެކޭޖްތަކަކީ ކަސްޓަމަރުންނަށް ވަގުތުން އެކްޓިވޭޓްކޮށްލާ، ކޮންމެތާކުންވެސް ބޭނުން ކުރެވޭ ގޮތަށް ފަރުމާ ކޮށްފާވައި ޙިދުމަތެއް ކަމަށް އެ ކުންފުނިން ވަނީ ފާހަގަކޮށްފައެވެ.

އެހެންކަމުން މި ޙިދުމަތަކީ ރިމޯޓްކޮށް މަސައްކަތްކުރާ ފަރާތްތަކަށާއި އާންމުކޮށް ދަތުރުކުރާ ފަރާތްތަކަށްވެސް މެދުކެނޑުމެއްނެތި އިންޓަނެޓްގެ ލިބިގަތުމަށް އެންމެ ފުރިހަމަ ހިދުމަތް ކަމަށް އެ ކުންފުނިން ވަނީ ބުނެފައެވެ.

މީގެ އިތުރުން ގޭމުކުޅެ، ސްޓްރީމްކޮށް އަދި ބޮޑެޓި ޑޭޓާ ޕްރޮސެސް ކުރާ ފަރާތްތަކަށް 5ޖީ އެއަރފައިބަރ މެދުވެރިކޮށް އިންޓަނެޓް އެންމެ ފުރިހަމައަށް ހަލުވި ސްޕީޑްގައި ބޭނުންކުރެވޭނެ ކަމަށް އުރީދޫއިން ވަނީ ފާހަގަކޮށްފައެވެ.

އަދި އެ ކުންފުނިން ވަނީ މިދިޔަ އަހަރު 5ޖީ ނެޓްވޯރކް އިތުރަށް ވަރުގަދަކޮށް މުޅި ގްރޭޓާރ މާލެއަށް ފުޅާކޮށް ޙިދުމަތް އިތުރަށް ފުރިހަމަ ކޮށްފައި ކަމަށް ވެސް ވަނީ ބުނެފައެވެ.