މި ހިނގާ ޖުލައި މަހުގެ ނިޔަލަށް ދެ ކޮމަންޑޫ ދޭ ތެރޭ އޮތް ބިންކާ ދެ ކޮމަންޑޫ ގުޅާލާ ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި-އިލެކްޝަނުގެ ކެމްޕޭނުގައި ވެ ވަޑައިގެންނެވި ވައުދު ފުއްދަވާދެއްވާނެކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ވިދާޅުވެއްޖެ އެވެ.
ރައީސް ޞާލިހުގެ ރިޔާސީ ކެމްޕޭނު ފެއްޓުމަށް ށ. އަތޮޅު ކޮމަންޑޫގައި ބޭއްވި ޖަލްސާގައި ރައްޔިތުންނާއި މުޚާތަބުކުރައްވާ ވާހަކަދައްކަވަމުން ރައީސް ޞާލިހު ވިދާޅުވީ ދެ ކޮމަންޑޫ ގުޅާލުމަށް ބޭނުންކުރާނީ ސަރުކާރުން އަލަށް ގެންނަ ޑްރެޖަރު ކަމަށެވެ.
އެ ޑްރެޖަރު އެންމެ ފުރަތަމަ ގެންދިއުމަށް ނިންމާފައިވަނީ އިހަވްންދޫއަށް ކަމަށާއި، އެފަހުން ޖުލައި މަހުގެ މެދެއްހާ ހިސާބުގައި ކޮމަންޑޫއަށް އެ ޑްރެޖަރު ގެނެވޭނެ ކަމަށެވެ.
އެއާއެކު ދެ ކޮމަންޑޫ ގުޅާލުމުގެ މަސައްކަތް ވަރަށް ހަލުވި ދުވެލީގައި ކުރިއަށް ގެންގޮސް ޖުލައި މަސް ނިމެންވާއިރަށް ދެ ކޮމަންޑޫ ގުޅާލުމުގެ މަސައްކަތް ނިންމާލެވޭނެަމަށް ރައީސް ޞާލިހު ވިދާޅުވި އެވެ.
"މި ޖުލައި މަހުގެ ފަހު 10ގައި މި ޑްރެޖަރު އޮންނާނީ މިތާ (ކޮމަންޑޫގައި). އިރާދަކުރެއްވިއްޔާ މި މަސް (ޖުލައި މަސް) ނިމިގެންދާނީ އަޅުގަނޑުމެން އެ ވައުދުވީ ގޮތަށް މި ދެކޮމަންޑޫ ދޭތެރޭގައި ހިއްކަން ޖެހޭ ބިން ހިއްކާފަ"
ރައީސް ޞާލިހު
ރައީސް ޞާލިހު ވިދާޅުވީ ކޮމަންޑޫއަށް ދިމާވެފައިވާ އެންމެ ބޮޑު އެއް މައްސަލައަކީ ބިމުގެ ދަތިކަން ކަމަށާއި، ދެ ކޮަމަންޑޫ ދޭތެރޭގައި އޮތް ބިން ހިއްކުމުން، އެ މައްސަލައަށް އެކަށީގެންވާ ޙައްލެއް ލިބިގެންދާނެ ކަމަށް ޤަބޫލުކުރެވޭ ކަމަށެވެ.
އޭގެ އިތުރުން ދެ ކޮމަންޑޫ ގުޅާލުމުގެ މަސައްކަތް ނިންމާ ކުރިއަށް އޮތް 5 އަހަރުގެ ތެރޭ 300 ހައުސިން ޔުނިޓު އަޅުއްވާދެއްވާނެކަމަށް ރައީސް ޞާލިހު ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
