ޅ އަތޮޅުން 100 މީހަކު ޕްރޮގްރެސިވް ކޯލިޝަނާއި ގުޅިއްޖެއެވެ.
ޕްރޮގްރެސިވް ކޯލިޝަނާއި 100 މީހުން ގުޅިފައިވަނީ ޅ ހިންނަވަރާއި ކުރެންދޫއިންނެވެ.
ހިންނަވަރުން ޕްރޮގްރެސިވް ކޯލިޝަނާއި ގުޅުނު 50 މީހުންގެ ފޯމު ޕްރޮގްރެސިވް ކޯލިޝަން ހިންގެވުމާއި ހަވާލުވެ ހުންނެވި ޢަބްދުރަޙީމް ޢަބްދުﷲ އާއި ހަވާލު ކުރެއްވީ ހިންނަވަރު ޝަޑޭއެވެ.
އޭނާ ވަނީ ފޯމު ހަވާލު ކުރުމަށްފަހު ޕީޕީއެމްއާއި ގުޅުނު ސަބަބާއި ކުރަން އުޅޭ މަސައްކަތް ކިޔައިދީފައެވެ. ޝަޑޭ ބުނީ އޭނާ ޕީޕީއެމްއާއި ގުޅުނީ ރައީސް ޞާލިހުގެ ވެރިކަން ބަދަލުކޮށް، ރައީސް ޔާމީން ވެރިކަމަށް ގެނައުމަށް ކަމަށެވެ.
ކުރެންދޫއިން އެކޯލިޝަނާއި ގުޅުނު 50 މީހުންގެ ތެރޭގައި އެމްޑީޕީގައި އިސްކޮށް ހަރަކާތްތެރިވާ އިބްރާހިމް ޒުހައިރު ހިމެނެއެވެ. ޒުހައިރަކީ މީގެ ކުރިން ކުރެންދޫގައި އެމްޑީޕީގައި އެންމެ އިސްކޮށް ހަރަކާތްތެރިވި އެއްބޭފުޅާއެވެ.
ޕީޕީއެމްއިން ވަނީ އެޕާޓީއާއި އަލަށް ގުޅުނު މެމްބަރުންނަށް މަރުހަބާ ދަންނަވާފައެވެ. އަދި ކުރިއަށް އޮތް ރިޔާސީ އިންތިޚާބު ގާތްވާ ވަރަކަށް އެޕާޓީއާއި ރާއްޖޭގެ އެކި ކަންކޮޅުތަކުން މެމްބަރުން ގުޅެމުންދާކަމީ އެޕާޓީއާއިމެދު އޮތް އުންމީދު ހަމަވާކަމެއްކަމަށް ވަނީ ބުނެފައެވެ.
އަލަށް ޕާޓީއާއި ގުޅުނު ފަރާތްތަކުގެ ފޯމުތައް ޢަބްދުއްރަޙީމް ޢަބްދުﷲ އާއި ހަވާލުކުރުން އޮތީ ރޭ ބޭއްވި ޕީޕީއެމް ހަރުގެ ޖަލްސާގައެވެ.
Advertisement
This content is created and paid for by advertisers and does not involve Voice Journalists
