ހުޅުމާލޭ ދެވަނަ ފިޔަވަހީގައި 14 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއް ފުލުހުން ބަލަން ފަށައިފި އެވެ.
ރޭގެ ވަގުތެއްގައި ހުޅުމާލޭ ހިޔާ އެޗް11 ފުލެޓް ލިފްޓަށް އަރަން ހުރި 14 އަހަރުގެ އަންހެން ކުއްޖަކަށް ފިރިހެނަކު ޖިންސީ ގޯނާ ކުރި ކަމުގެ މައްސަލާގައި އެޗް 11 ގެ 9 ވަނަ ފަންގިފިލާގައި އާންމުން ވަނީ އެއްވެ ނުރުހުން ފާޅުކޮށްފައެވެ. އެ މައްސަލާގައި ފުލުހުން ވެސް އެތަނަށް ގޮސްފައިވާއިރު، މައްސަލާގައި ތުހުމަތު ކުރެވޭ މީހާ ފުލުހުންނާއި އެކު ޓެކްސީއެއްގައި ގެންގޮސްފައިވެސް ވެއެވެ.
ވޮއިސް އަށް މައުލޫމާތު ލިބިފައިވާ ގޮތުގައި އެ ފިރިހެން މީހާ އަކީ ނަފްސާނީ މައްސަލައެއް ހުންނަ މީހެކެވެ.
އެކަމާއި ގުޅިގެން ފުލުހުންގެ މީޑިއާ އޮފިޝަލް "ވޮއިސް" އަށް މައުލޫމާތު ދެއްވަމުން ވިދާޅުވީ، އެ ޖިންސީ ގޯނާގެ މައްސަލަ ރޭގެ ވަގުތެއްގައި ފުލުހުންނަށް ރިޕޯޓް ކޮށްފައިވާ ކަމަށެވެ.
އަދި އެ މައްސަލަ މިހާރު ފުލުހުން ތަހުގީގު ކުރަމުންދާ ކަމަށާ، އެހެންނަމަވެސް، މައްސަލަ އާއި ގުޅިގެން އެއްވެސް މީހަކު ހައްޔަރު ނުކުރާ ކަމަށް މީޑިއާ އޮފިޝަލް ވިދާޅުވިއެެވެ.
Advertisement
This content is created and paid for by advertisers and does not involve Voice Journalists
