އަޟްޙާ ޢީދު ދުވަހުގެ ފަތިހު އެކްސިޑެންޓްވި ޢަލީ ޙަފީޒުގެ އެކްސިޑެންޓުގައި ޝާމިލްވާ ސައިކަލު ދުއްވި ޒުވާނާ 15ގެ ބަންދަށް އިތުރު 15 ދުވަސް ޖަހައިފިއެވެ.
ކްރިމިނަލް ކޯޓުން ވަނީ އޭނާގެ އިތުރު 15 ދުވަހު ބަންދުގައި ބެހެއްޓުމަށް އަމަުރުކޮށްފައެެވެ.
22 އަހަރުގެ ޝަމްއާން ޢަބްދުއްޝަކޫރު ދުއްވި ސައިކަލުން އަލީ ޙަފީޒުގެ ގައިގައި ޖެހިފައިވަނީ ހަފީޒް ފަތިސްނަމާދު ނިންމަވައި ގެއަށް ވަޑައިގަންނަވަނިކޮށް މަޖީދީ މަގު ހުރަސްކުރުމުގެ ތެރޭގައި ޝަމްޢާން ބާރު ސްޕީޑުގައި ސައިކަލު ދުއްވައިފައި އަންނަނިކޮށެވެ.
މިއެކްސިޑެންޓުގައި ހަފީޒުގެ ފުރާނައަށް ނުރައްކާވާވަރުގެ އަނިޔާތަކެއްް ލިބުނުއިރު، އެކްސިޑެންޓަށްފަހު، ފުލުހުން ޝަމްޢާން ހައްޔަރުނުކޮށް ގިނަ ވަގުތު ދިޔުމުން ޢާންމުން ވަނީ ފުލުހުންނަށް ފާޑު ކިޔައިފައެވެ.
އޭގެ ފަހުން ފުލުހުން ވަނީ އޭނާ ހައްޔަރުކޮށް އެކްސިޑެންޓްގެ ތަޙްްޤީޤުވަނީ ފަށައިފައެވެ.
އެކްސިޑެންޓަށްފަހު ހަފީޒަށް ފަރުވާ ދެވިފައިވަނީ މާލޭގެ އޭޑީކޭ ހޮސްޕިޓަލުގެ އައިސީޔޫގައި ވެންޓިލޭޓަރުގައި ބާއްވައިގެނެވެ. އެއަށްފަހު އިންޑިޔާގެ ކޮޗިން އަށްގެންދެވި ކުރެވުނު އޮޕަރޭޝަނަށްފަހު މިހާރު ހަފީޒުގެ ޙާލު އަންނަނި ރަނގަޅުވަމުން ކަމަށް އޭނާގެ އާއިލާއިން ވަނީ ބުނެފައެވެ. އަދި މިހާރު އޭނާ ވެންޓިލޭޓަރުން ނަގައިފައިވާކަމަށްވެސް ވަނީ ބުނެފައެވެ.
އެކްސިޑެންޓާއި ގުޅިގެން ހައްޔަރުކޮށް މުއްދަތު ޖެހުމަށް ކޯޓަށް ހާޒިރު ކުރުމުން ޝަމްޢާން ބުނެފައިވަނީ ސައިކަލު އަންނަ ތަން ފެނިގެން ހަފީޒް "ޕެނިކް ވެގެން ސައިކަލާ ދިމާލަށް ދުއްވައިގަތީ" ކަމަށެވެ.
އެހެން ނަމަވެސް ކޯޓުން އެފަހަރު ވެސް ނިންމާފައި ވަނީ އޭނާ 15 ދުވަހަށް ބަންދު ކުރުމަށެވެ.
Advertisement
This content is created and paid for by advertisers and does not involve Voice Journalists
