ވ. ފޮއްތެޔޮ ފަޅު ވިއްކަން އުޅެނީ މަނީލޯންޑަރިންގެ ތުހުމަތު ކުރެވޭ މީހަކަށް ކަމަށް ޕީއެންސީގެ ނައިބު ރައީސް އަދި ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
އިދިކޮޅު ކޯލިޝަނުގެ ފަރާތުން ކުރިއަށް ގެންދިޔަ ޖަގަހަ ޖަލްސާއެއްގައި ސައީދު ވިދާޅުވީ ރާއްޖޭގައި، ފަޅެއް، ރަށެއް ނުވަތަ ގިރިއެއް އޮތް ނަމަ، ރައީސް ޞާލިހު ވަނީ އެތަނެއް ވިއްކާފައި ކަމަށެވެ.
އެންމެ ފަހުން އެ ވިއްކާލީ ވ އަތޮޅު ފޮއްތެޔޮ ބޮޑު ފަޅު. ބޮޑު ފަޅެކޭ ބުނީމާ ހިތްޕުޅަށް ގެންނަވާ މި މާލެއިން މިރޭ ގަލްފު ކުރާފްޓެއްގައި އއ. ރަސްދޫއަށް ގޮސް، ލެފީމާ އެއީ އެ ފަޅުގެ ބޮޑުމިން. އެފަޅު ގެ އަނެއް ބޮޑުމިން އަޅުގަނޑު ކިޔައިދެންޏާ، މާލެއިން މަހިބަދޫއަށް ގަލްފު ކުރާފްޓެއްގައި ފުރާނީ. އެ ފަޅުގެ އެއްކޮޅުގައި އެއް ލޯންޗު ބަހައްޓާފައި، ލޯންޗަށް އެ ފަޅު ވަށާޖެހޭ އިރުގައި މަހިބަދޫއަށް ދާ ލޯންޗު އޮންނާނީ ގޮސް. މިހާބޮޑު ފަޅެއް. މުޅި ދިވެހިރާއްޖޭގެ އާބާދީ އެއްފަސް ކޮށްފިއްޔާ ގާތްގަނޑަކަށް ދިވެހި އާބާދީއަށް ރީތި ކަމާއިއެކު ތިބެވޭނެ.
މުހައްމަދު ސައީދު
ސައީދު ވިދާޅުވީ އެވަރުގެ ބޮޑު ފަޅެއް ނުއަގުގައި ވިއްކާލަން އުޅެނީ މަނީ ލޯންޑަރިންގެ ތުހުމަތު ކުރެވޭ މީހަކަށް ކަމަށެވެ. އަދި މިކަމަކީ ރައީސް އިބްރާހިމް މުހައްމަދު ސޯލިހު ރިޔާސީ އިންތިހާބު ކާމިޔާބު ކުރުމަށް ޖަހާ މަޅިއެއް ކަމަށް އޭނާ ވިދާޅުވިއެވެ.
"މިތަން އެ ވިއްކަނީ ސީދާ މަނީ ލޯންޑަރިންގެ ތުހުމަތު އޮތް ފަރާތަކަށްކަމަށް ބައިނަލްއަގްވާމީ ނޫސްތަކުގައި އެބަހުރިކަމަށް މައުލޫމާތު ލިބޭ. އަޅުގަނޑު ބުނިން ތި މައްސަލަ ރަނގަޅަށް ދިރާސާ ކޮށްލާށޭ. އޭސީސީއަށް އެ މައްސަލަ ލާން. މިހާރު ވާނީ އޭސީސީއަށް މައްސަލަ ލާފައި.".
މުހައްމަދު ސައީދު
ސައީދު ވިދާޅުވި ގޮތުގައި މިސަރުކާރުން އެފަޅު ވިއްކާލަން އުޅެނީ ކެމްޕެއިނަށް ފައިސާ ހޯދުމަށެވެ. އެހެންކަމުން "ފޮއްތެޔޮ ފަޅު ޑީލް" ވަގުތުން ހުއްޓާލުމަށް އިދިކޮޅުން ވަނީ ގޮވާލާފައެވެ.
ފޮއްތެޔޮ ފަޅަކީ ރާއްޖޭގެ އެންމެ ބޮޑު އަދި ދުނިޔޭގެ ތިން ވަނައަށް އެންމެ ބޮޑު ފަޅެވެ. އެ ފަޅު ސަރުކާރުން ވިއްކާލަން އުޅޭ ކަމުގެ ތުހުމަތު އިދިކޮޅުުން އަންނަނީ ކުރަމުންނެވެ. އެކަން ސަރުކާރުންވެސް ދޮގު ކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
