އުތުރު ޔޫރަޕްގެ ޤައުމެއް ކަމަށްވާ ސްވިޑެންގައި ދިރިއުޅޭ ސަލްވަން މޮމޮކާ އަނެއްކާވެސް ކީރިތި ޤުރުއާނަށް އިޚްތިރާމް ކުޑަކޮށް, ފައިންޖަހައި ފުޓުބޯޅަ ކުޅެފިއެވެ.  

މިފަހަރު ސަލްވާން މިޢަމަލު ހިންގައިފައިވަނީ ސްވިޑެންގައި ހުންނަ ޢިރާޤުގެ އެމްބަސީ ކުރިމަތީގައެވެ.

ސަލްވާން މޮމޮކާއަކީ ޢިރާޤުން ސްވިޑެންއަސް ހިޖުރަކޮށް ސްވިޑެންގައި ދިރިއުޅެމުންގެންދާ ކްރިސްޓިއަނެއްކަމަށް ބައިނަލް އަޤްވާމީ މީޑިޔާތަކުގައި ބުނެފައިވެއެވެ.

މިދިޔަ ބުރާސްފަތި ދުވަހު ސްވިޑެންގެ ސްޓޮކްހޮމްގައި ހުންނަ ޢިރާޤް އެމްބަސީގެ ކުރިމަތީގައި މިޢަމަލު ހިންގިއިރު ސްވިޑެންގެ ފުލުހުން އޭނާގެ ހިމާޔަތުގައި ފޯރި މަރާމަންޒަރު ވީޑިއޯ ތަކުން ފެނެއެވެ.

އަދި ކީރިތި ޤުރުއާނާއި ޢިރާޤުގެ ދިދައިގައި ފައިން ތަޅާ ހެދުމަށްފަހު އެއިން އޭނާގެ ފައިފުހެހަދައިފައިވެއެވެ. ސްވްޑެންގައި ދިރިއުޅޭ ބައެއް މުސްލިމުން އެމަންޒަރު ބަލަން ދުރުގައި ތިބި ކަމަށް މީޑިއާ ތަކުން ބުނެފައިވެއެވެ.

ސަލްވާން މޮމިކާ ވަނީ މީގެ ކުރިން ސްޓޮކްހަމްގައި ހުންނަ އެންމެ ބޮޑު މިސްކިތުގެ ކުރިމަތީގައި ކީރިތި ޤުރުއާނުގެ ކޮޕީއެއް އަންދައިލައިފައެވެ. އަދި އެކަން ތަކުރާރު ކުރާނެ ކަމަށްވެސް އޭނާ ވަނީ ބުނެފައެވެ. ކުރިން އޭނާ ނިންމައިފައި އޮތީ މިދިޔަ ބުރާސްފަތި ދުވަހުވެސް ޤުރުއާން އަންދައިލުމަށެވެ. އޭނާ މިދިޔަ ހަފްތާގެ ތެރޭގައި އެކަން އިއުލާނުވެސް ކޮސްފައިވެއެވެ.

އިސްލާމީ ޤައުމު ތަކުން އަންނަނީ މިކަންކަން ކުށްވެރި ކުރަމުންނެވެ.