އިސްލާމިކް މިނިސްޓްރީގެ ނައިބެއްގެ ގޮތުގައި ކުރިން ހުންނެވި އައްޝެއިޙް މުޙައްމަދު ޤުބާދު އަބޫބަކުރު ވެރިކަންކުރާ އެމްޑީޕީއަށް ސޮއިކުރައްވައިފިއެވެ.
ޝައިޙް ޤުބާދު އެމްޑީޕީއަށް ސޮއި ކުރައްވައިފައިވަނީ ރޭގެ ވަގުތެއްގައެވެ. އެމްޑީޕީއަށް ސޮއި ކުރައްވާ އެމަނިކުފާނުގެ ފޯމު ހަވާލުކުރައްވައިފައިވަނީ ރައީސް އިބްރާހިމް މުޙައްމަދު ޞާލިޙްއަށެވެ.
ޤުބާދު އެމްޑީޕީ އާއި ގުޅިވަޑައިގަތީ އެމްއެންޕީގައި ހުންނެވުމަށްފަހުއެވެ. ރައީސް ޔާމިންގެ ވެރިކަމުގައި ޕީޕީއެމްގެ މެމްބަރެއްގެ ގޮތުގައިވެސް ޤުބާދު ފެނިގެން ފޮސްފައިވެއެވެ.
އެހެންނަމަވެސް އިސްލާމިކް މިނިސްޓްރީގެ ޑެޕިއުޓީ މިނިސްޓަރުކަމުގައި ހުންނަވަނިކޮށް އޭނާ މަގާމުން ވަކިކޮށްފައިވަނީ ރައީސް ޔާމިންގެ ވެރިކަމުގައި، 2016 ވަނަ އަހަރުގެ ޑިސެމްބަރުމަހުގެ 6 ވަނަ ދުވަހުއެވެ.
މީގެ ކުރިން 2011 ވަނަ އަހަރުވެސް ޤުބާދު ވަނީ އެމްޑީޕީއަށް ސޮއި ކުރައްވައިފައިވެއެވެ. އެފަހަރު އެމްޑީޕީއަށް ސޮއި ކުރެއްވެވީ ޑީއާރްޕީ ދޫކުރައްވަވައިފައެވެ.
Advertisement
This content is created and paid for by advertisers and does not involve Voice Journalists
