ދުނިޔެއަށް މަޝްހޫރު ޝެފް، ބުރެކް އޮޒްޑިމިއަރ އޭނާގެ ބައްޕަގޮވައިގެން ކޯޓަށް ދިޔުމަށް ނިންމައިފިއެވެ.
ބުރެކް އޭނާގެ ބައްޕައާއި ދެކޮޅަށް ކޯޓަށް ދިޔުމަށް ނިންމާފައިމިވަނީ މަކަރާއި ހީލަތުގެ މައްސަލައެއްގައެވެ.
އަބަދުވެސް ހިނިތުންވެފައިވާ މޫނަކާއި އެކު ފެންނަ ބުރެކް އާއި އެނާގެ ބައްޕައާއި ދެމެދު ޖެހުނު މިމައްސަލަ ފެންމަތިވެގެން ދިޔައީ ފެބްރުއަރީ މަހު ތުރްކިޔޭއަށް އައި ބިންހެލުން ތަކުގައި ހާލުގައި ޖެހުނު ފަރާތްތަކަށް އެހީތެރިވުމަށް ބުރެކް އަށް ދަތިތަކެއް ކުރިމަތިވާން ފެށުމުންނެވެ.
އެދަތިތައް ކުރިމަތީވީ ސަބަބު ބެލިއިރު ބުރެކް އޮޑްޒިމިއަރ ގެ ބައްޕަ ހަސަން އޮޑްޒިމިއަރ، އޭނާގެ ބްރޭންޑްގެ ނަމުގައި އެހެންމީހުންނަށް ރެސްޓޯރެންޓް ހިންގުމަށް ހުއްދަ ވިއްކަމުންދިޔައެވެ. އަދި އެކަން އޭނާގެ ބައްޕަ ކޮށްފައިވަނީ އެނާގެ ހުއްދައަކާއި ނުލައިކަމަށް ވެއެވެ.
އަދި އޭނާގެ ބައްޕަ އެނާގެ މީޑިޔާ ކޮމްޕެނީ ކަމަށްވާ ހަތާޔާ މީޑިޔާ މެދުވެރިކޮށް ބުރެކް އޮޑްޒިމިއަރ ގެ ނަން ބޭނުން ކޮށްގެން، އޭނާގެ ހުއްދަޔާއި ނުލައި ލޯނުތައް ނަގައިފައިވާ ކަމަށް ޢަރަބް ނިއުސްގައި ބުނެފައިވެއެވެ.
އަދި އެގޮތައް ހޯދި ފަންޑު ތަކުން އޭނާގެ ބައްޕަ ލަގްޒަރީ ބްރޭންޑް ތަކުގެ ކާރު ފަދަ އަގުބޮޑު ތަކެތި ގަނެފައިވާކަމަށް ބުރެކް އޮޑްޒިމިއަރ އޭނާގެ ބައްޕައާއި މެދު ކުރާ ތުހުމަތުތަކުގައިވެއެވެ.
ޢަރަބް ނިއުސްގައި ބުނެފައިވަނީ ބުރެކް އޮޑްޒިމިއަރގެ ބައްޕަ އޭނާގެ ހުއްދަނެތި އޭނާގެ ބްރޭންޑްގެ ނަމުގައި 41 މިލިއަން ޑޮލަރުގެ ހުއްދަ ވިއްކައިފައިވާ ކަމަށެވެ.
ދުނިޔެ ބަލައިގަނެފައިވާ އޭނާގެ ނަމާއި އޭނާގެ ބްރޭންޑްގެ ކޮލިޓީ ހިފެހެއްޓުމަށްޓަކައި އައު ރެސްޓޯރެންޓެއް ހުޅުވުމަށް މިހާރު އޭނާ ދަނީ މަސައްކަތް ކުރަމުންނެވެ. އެކަމަށް މާލީ ގޮތުން ބޭނުންވާ ކަންކަން ހަމަޖެއްސުމުގެ ގޮތުން އޮޑްޒިމިއަރ ވަނީ އޭނާގެ ލަގްޒަރީ ކާރުތައް ވިއްކައިލައިފައެވެ. ރެސްޓޯރެންޓް ހުޅުވުމުގެ އިތުރުން އޭނާގެ ބައްޕައާއި ދެކޮޅަށް އޭނާ ކޯޓަށް ވައްދާފައިވާ މައްސަލައަށް ވެސް ފައިސާ ބޭނުންވާތީ އޭނާ ދަނީ އޭނާގެ މިލްކިއްޔާތުގައި ހުރި އަގުބޮޑު ތަކެތި ވިއްކުމަށް މަސައްކަތް ކުރަމުންނެވެ.
ބުރެކްގެ ބައްޕަ ހަސަން ވަނީ ބުރެކް ކޮށްފައިވާ ތުހުމަތުތަކަކީ ދޮގު ތުހުމަތުތަކެއް ކަމަށްބުނެފައެވެ.
ބުރެކް އޮޑްޒިމިއަރ އޭނާގެ ބައްޕަ ހަސަން އޮޑްޒިމިއަރ އާއި ދެކޮޅަށް އުފުލައިފައިވާ ދައުވާތަކުގެ އަޑު އެހުންތައް ސެޕްޓެމްބަރު މަހު ފެށުމަށް ވަނީ ހަމަޖެހިފައެވެ.
Advertisement
This content is created and paid for by advertisers and does not involve Voice Journalists
