ކުރީގެ ނައިބުރައީސް އަޙްމަދު އަދީބުގެ ބޭސްފަރުވާއަށް ކަރެކްޝަންސްއިން ދިން މުއްދަތު އިތުރުކޮށްފިއެވެ.
ކަރެކްޝަންސްއިން، އަދީބު ބޭސްފަރުވާއަށް ސިންގަޕޫރަށް ފުރުމަށް ހުއްދަ ދިން އިރު އަދީބު ހުންނެވީ ޙުކުމް ތަންފީޒު ކުރެއްވުމަށް ގޭގައެވެ. ނާރަށް ޖެހޭ ނުރައްކާތެރި ބައްޔަކަށް ފަރުވާ ހޯއްދެވުމަށް އޭނާ ސިންގަޕޫރަށް ފުރައިވަޑައިގަތީ މި މަހުގެ 11ވަނަ ދުވަހެވެ. މިމަހުގެ 22 އަށް އެމުއްދަތު ވަނީ ހަަމަވެފައެވެ.
ބެސްފަރުވާއަށް ރާއްޖެއިން ބޭރުގައި ހުރުމުގެ މުއްދަތު އިތުރުކޮށްދިނުމަށް އަދީބުގެ ފަރާތުން ހޮނިހިރިދުވަހު ވަނީ ކަރެކްޝަންސްއަށް ހުށައަޅައިފައެވެ.
ކަރެކްޝަންސްގެ މެޑިކަލް ބޯޑުން އެ ހުށަހެޅުން ރިވިއު ކުރުމަށްފަހު މިހާރުވަނީ މި ފެށޭ އޯގަސްޓު މަހުގެ 28ވަަނަ ދުވަހާ ހަމައަށް ބޭސްފަރުވާގެ މުއްދަތު އިތުރުކޮށްދީފައެވެ.
އެމްއެމްޕީއާރުސީ ޚިޔާނާތުގެ މައްސަލައިގައި ޕްރޮސެކިއުޓާ ޖެނެރަލް (ޕީޖީ) އޮފީހުން އަދީބުގެ މައްޗަށް އުފުލި ދައުވާތަކަށް އިއުތިރާފުވެވަޑައިގަތުމުން 20 އަހަރަށް ޖަލަށްލުމާއެކު ދެ މިލިއަން ރުފިޔާއިން ޖޫރިމަނާކުރުމަށް 2020ވަނަ އަހަރު ހުކުމް ކުރިއެވެ.
އަދިވެސް އަދީބު އެ ފައިސާ ދައްކާފައެއް ނުވެއެވެ.
Advertisement
This content is created and paid for by advertisers and does not involve Voice Journalists
