އާ ޖޯޝެއްގައި ރައީސް ޢަބްދުالله ޔާމިން ޢަބްދުލްޤައްޔޫމް ރާއްޖޭގެ ޒަޢާމަތަށް ގެންނެވުމުގެ މަސައްކަތް ފެށުމަށް ޑރ މުޙައްމަދު ޖަމީލް އަޙްމަދު ގޮވާލައްވައިފިއެވެ.
ރައީސް ޢަބްދުالله ޔާމީން ޢަބްދުލް ޤައްޔޫމްގެ ރަނިންގމޭޓަކަށް ޖަމީލް ހަމަޖެއްސެވުމާއި ގުޅިގެން ކުރެއްވެވި ޓްވީޓެއްގައި ޖަމީލް ވިދާޅުވެފައިވަނީ ރައީސް ޔާމީންގެ ރަނިންގމޭޓަކަށް އެނާ އިޚްތިޔާރު ކުރެއްވީތީ ރައީސް ޔާމިނަށް ވަރަށް ބޮޑަށް ޝުކުރު ދަންނަވާ ކަމަށެވެ. އަދި، މި ފުރުޞަތުގައި ޕާޓީގެ ލީޑަރޝިޕާއި ސެނެޓަރުންނާއި ޢާންމު މެންބަރުން ކުރައްވާ އިތުބާރަށް ވެސް ޝުކުރު އަދާކުރައްވާ ކަމަށް ޑރ ޖަމީލް ވިދާޅުވެފައިވެއެވެ.
"އެންމެން ގުޅިގެން އާ ޖޯޝެއްގައި ރައީސް ޔާމީން ރާއްޖޭގެ ޒަޢާމަތަށް ގެންނެވުމުގެ މަސައްކަތް ފަށަމާ ހިންގަވާ، އަޅުގަނޑުގެ ލަޔާޤަތާއި ޤާބިލިއްޔަތު ތަންދިން އެންމެ ބޮޑަށް މި އިންތިޚާބު ރައީސް ޔާމީންއަށް ކާމިޔާބުކޮށްދެއްވުމުގައި ދެމިހުންނާނެ ކަމުގެ ޔަޤީންކަން އަރުވަން" ޖަމީލް ވިދާޅުވެފައިވެއެވެ.
2013 ވަނަ އަހަރު ބޭއްވުނު ރިޔާސީ އިންތިޚާބުގައިވެސް ރައީސް ޔާމިންގެ ރަނިންގމޭޓުކަން ކުރެއްވެވީވެސް ޑރ ޖަމީލެވެ. 2015 ވަނަ އަހަރުގެ މެދަކާއި ހަމައަށް ޑރ ޖަމީލް ވަނީ ރައީސް ޔާމީންގެ ފަހަތްޕުޅުގައި ނައިބުރައީސްކަން ކުރައްވައިފައިވެއެވެ.
Advertisement
This content is created and paid for by advertisers and does not involve Voice Journalists
